विधानसभा निवडणूक २०२४ : जोरदार शक्तीप्रदर्शन करत आज कोणी कोणी दाखल केले उमेदवारी अर्ज? वाचा सविस्तर

राजकीय
२४ ऑक्टोबर २०२४

विधानसभा निवडणूक २०२४ : जोरदार शक्तीप्रदर्शन करत आज कोणी कोणी दाखल केले उमेदवारी अर्ज? वाचा सविस्तर

Dipali Ghadwaje

मुंबई : राज्यामध्ये विधानसभा निवडणुकीचे बिगुल वाजले आहे. येत्या 20, नोव्हेंबर रोजी मतदान तर 23 नोव्हेंबर रोजी निकाल लागणार आहे. त्यामुळे सर्व राजकीय पक्ष जोरदार तयारीला लागले आहेत. महायुतीचे बहुतांश उमेदवार जाहीर करण्यात आले आहेत. अजित पवार गट, शिंदे गट व भाजपची यादी जाहीर करण्यात आली आहे. त्याचबरोबर मनसे पक्षाची देखील यादी जाहीर करण्यात आली आहे. तसेच महाविकास आघाडीमध्ये फॉर्म्युला समोर न येता ठाकरे गटाने थेट यादी जाहीर केली आहे.

आज राज्याच्या राजकारणामध्ये मोठ्या घडामोडी घडल्या आहेत. गुरुपुष्यामृत योग साधून अनेक बडे नेते शक्तीप्रदर्शन करत अर्ज दाखल केले आहेत. वरळीत आदित्य ठाकरेंची अर्ज दाखल करण्यापूर्वी भव्य मिरवणूक काढली तर स्वत: स्कूटी चालवत यशोमती ठाकुरांची बाईक रॅली काढण्यात आली. जितेंद्र आव्हाड, भास्कर जाधव आणि रोहित पाटलानीही शक्तिप्रदर्शन केले. तर शंकरबाबा मठात दर्शन घेऊन चंद्रकांत पाटलांची आगेकूच केली आहे. धनंजय मुंडेंचं पंकजा मुंडेंकडून औक्षण करण्यात आले, संजय बांगर, राधाकृष्ण विखे पाटील, किरण सामंत यांनीही अर्ज भरले आहे.

उमेदवारी अर्ज कुणी कुणी भरले?

महाविकास आघाडीच्या या उमेदवारांनी भरले अर्ज

छगन भुजबळ

अद्वय हिरे

रोहित पाटील

हर्षवर्धन पाटील

राजन विचारे

जितेंद्र आव्हाड

वसंत गीते

आदित्य ठाकरे

वैभव नाईक

जयंत पाटील