बीड : विधानसभा निवडणुकीसाठी राज्यात सर्वत्र शांतेत मतदान सुरू आहे. पण बीडमध्ये मतदानाला गालबोट लागलं आहे. परळी मतदारसंघातील घाट नांदूरगावात मतदान केंद्रात तोडफोड करण्यात आल्याची घटना घडली आहे. हल्लेखोरांनी ईव्हीएम मशीन फोडले आहे. त्यामुळे मतदान प्रक्रिया ठप्प झाली आहे.
मिळालेल्या माहितीनुसार , 3 बूथवर तोडफोड झाली आहे. राष्ट्रवादीचे नेते माधव जाधव यांना मारहाण केल्याच्या निषेधार्थ कार्यकर्ते आक्रमक झाले आहे. त्यामुळे मतदान प्रक्रिया थांबवली आहे. बन्सी शिरसाट या कार्यकर्त्याची गाडी सुद्धा फोडली आहे.
बीडच्या परळी मतदारसंघात राष्ट्रवादी शरद पवार गटाचे नेते माधव जाधव यांना धनंजय मुंडे यांच्या समर्थकांनी मारहाण केल्यानंतर घाटनांदुर गावात ईव्हीएम मशीन तोडफोड करण्यात आली होती. या घटनेनंतर पोलीस प्रशासनातील वरिष्ठ अधिकारी घटनास्थळी दाखल झाले आहेत.
