गेल्या अनेक दिवसांपासून राज्यात बांग्लादेशींनी अवैधरित्या घुसखोरी केली असल्याच्या अनेक घटना उघडकीस आल्या आहेत. दरम्यान, आता अशीच एक धक्कादायक घटना समोर आली आहे. मुंबईमधून आठ तृतीयपंथी लोकांना अटक करण्यात आली आली आहे. मात्र त्यांची ओळख पटताच पोलिसांना देखील मोठा धक्का बसला आहे. पोलिसांनी ज्या आठ तृतियपंथी लोकांना अटक केली आहे, ते सर्व बाग्लादेशी नागरिक आहेत.
समोर आलेल्या माहितीनुसार, आपली ओळख गुप्त राहावी, आपण पकडले जाऊ नये म्हणून ते मुंबईमध्ये लिंग बदलून राहत होते. मात्र पोलिसांनी अखेर त्यांच्या मुसक्या आवळल्या आहेत. पोलिसांनी आठ जणांना अटक केली आहे.
घटनेबाबत अधिक माहिती अशी की, गेल्या पाच ते सहा वर्षांपासून हे तृतीयपंथी लोक भारतामध्ये वास्तव्याला होतो. मुंबई पोलिसांकडून शहरात राहणाऱ्या बाग्लादेशी नागरिकांचा शोध सुरू आहे. याचदरम्यान ही मोठी कारवाई करण्यात आली आहेया प्रकरणात शिवाजीनगर पोलीस ठाण्यात गुन्हा दाखल करण्यात आला आहे, या नागरिकांना रफिक नगरमधून अटक करण्यात आली आहे.
