लोकांना रितेश देशमु ची कॉमेडीच आवडते असे नाही तर गंभीर भूमिकांमध्येही तो प्रेक्षकांना आवडतो. एक विलन ते मराठी चित्रपट वेड पर्यंत अनेक सुपरहिट चित्रपट त्यांनी केले आहेत. आता तो ओटीटी प्लॅटफॉर्मवर वेब सीरिजमध्ये पदार्पण करत आहे. अलीकडेच त्याच्या "पिल" या आगामी मालिकेचा ट्रेलर रिलीज झाला ज्यामध्ये तो फार्मा कंपनीचा पर्दाफाश करताना दिसत आहे.
मोठ्या पडद्यानंतर आता तो ओटीटी प्लॅटफॉर्मवरही आपली पकड मजबूत करत आहे. त्याचा 'प्लॅन ए-प्लॅन बी' नेटफ्लिक्सवर 2022 मध्ये रिलीज झाला होता. या चित्रपटानंतर तो आता वेब सीरिजमध्येही पदार्पण करत आहे. रितेश पुन्हा एकदा ओटीटी प्लॅटफॉर्मवर 'पिल'द्वारे प्रेक्षकांच्या भेटीला येत आहे, ज्याचा धमाकेदार ट्रेलर नुकताच प्रदर्शित झाला आहे.
रितेश देशमुखच्या आगामी प्रोजेक्टची कथा त्याच्या आधीच्या चित्रपटांपेक्षा पूर्णपणे वेगळी आहे. 'पिल'चा हा 1 मिनिट 50 सेकंदाचा ट्रेलर खरोखरच अप्रतिम आहे. रितेश देशमुख या मालिकेत डॉ. प्रकाश चौहानची भूमिका साकारत आहे, जो कंपनीचा उप औषध नियंत्रक आहे. या ट्रेलरच्या सुरुवातीलाच अमली पदार्थांच्या तस्करीचे जाळे दूरवर कसे पसरले आहे हे दाखवण्यात आले आहे. अशा काही कंपन्या आहेत ज्या 'लंका' सारख्या आहेत आणि त्यांच्यावर नियंत्रण ठेवण्यासाठी एक 'रामनगरी' स्थापन केली आहे जी 'मेडिसिन अथॉरिटी ऑफ इंडिया' आहे.
या छोट्याशा झलकमध्ये एक सत्य समोर आले आहे की एका औषध कंपनीने बनवलेल्या औषधांचे सेवन केल्याने काही लोक कसे मरत आहेत आणि काही लोक आजारी पडत आहेत. त्यानंतर त्या फार्मा कंपनीची चौकशी केली जाते आणि तिथून संपूर्ण ड्रामा उघड होतो. ट्रेलरमध्ये कंपनीचा मालकही रितेश देशमुखला धमकावताना दिसत आहे. आता कंपनीची चौकशी करताना त्याच्या आयुष्यात काय उलथापालथ होणार, हे मालिका प्रदर्शित झाल्यानंतरच कळेल.
