मनमाड- नायलॉन मांजा तसेच चायनीज मांजावर बंदी असताना देखील अनेक ठिकाणी तो सर्रासपणे विकला जात असल्याचे दिसून येते. अनेक ठिकाणी पोलीस कारवाई पण करत आहेत. येवला, मनमाड, नाशिक, नांदगाव येथे अनेक घटना ताज्या असतानाच आज मनमाड पोलीस ठाण्यात कार्यरत असलेल्या रेखा फडताळे या कॉन्स्टेबलचा नायलॉन मांजाने गळा कापला गेला. त्यांच्यावर मनमाड उपजिल्हा रुग्णालयात प्राथमिक उपचार करून अधिक उपचारासाठी नाशिक येथे खासगी रुग्णालयात हलविण्यात आले.
मनमाड पोलीस ठाण्यात कार्यरत असलेली रेखा फडताळे या येवला येथे बंदोबस्त करून मनमाड कडे येत असताना नायलॉन मांजाने त्यांचा गळा कापला गेला.
