विधानसभा निवडणुकीच्या पार्श्वभूमीवर राजकारणातील घडामोडींना वेग आला असून ठाकरे गटातून मोठी बातमी समोर आली आहे. शिवसेना ठाकरे गटाला मोठा धक्का बसला आहे.ऐन विधानसा निवडणुकीच्या तोंडावर नेत्यानं उद्धव ठाकरेंची साथ सोडली आहे.
सिंधुदुर्गमध्ये शिवसेना ठाकरे गटाचे प्रमुख उद्धव ठाकरे यांची सभा झाली. या सभेनंतर सिंधुदुर्गमध्ये शिवसेना ठाकरे गटाला मोठा धक्का बसला आहे. उद्धव ठाकरेंच्या सभेनंतर ठाकरे गटाच्या नेत्यानं उद्धव ठाकरे यांची साथ सोडली आहे. ठाकरे गटाच्या उपजिल्हाप्रमुखांनी भाजपामध्ये प्रवेश केला आहे.
ठाकरे गटाचे सिंधुदुर्ग उपजिल्हाप्रमुख रज्जब रमदुल यांनी आपल्या सहकाऱ्यांसह भाजपात प्रवेश केलाय. नितेश राणे हे मुस्लिम समाजाच्या विरोधात नाहीत तर जे चुकीचं कार्य करत आहेत, ज्या कारवाया होत आहेत आणि जे अतिक्रमण सुरु आहे त्याविरोधात नितेश राणे आहेत. कोकणातील मुस्लिम समाजाच्या लोकांना सर्वात जास्त आधार हा राणेंनी दिलाय त्यामुळे मुस्लिम समाज बहुसंख्येने नितेश राणे यांच्या सोबत असल्याची प्रतिक्रिया यावेळी रज्जब रमदुल यांनी दिली आहे.
