आजकाल गुन्हेगारीच्या प्रमाणात चिंताजनक वाढ झाली असून अनेक धक्कादायक घटना घडत आहेत. दरम्यान अशीच एक घटना उघडकीस आली आहे.पुणे- मुंबई महामार्गालगत झुडपात आढळला 35 वर्षीय महिलेचा मृतदेह आढळल्याची धक्कादायक बातमी समोर आली आहे.
महिलेची हत्या करून मृतदेह पोत्यात बांधून झुडपात फेकण्यात आल्याची प्राथमिक तपासातून समोर आली. मृत महिला अंदाजे 35 वर्षाची असावी असाय कयास लावला जात आहे. पण, ती नेमकी कोण होती? तिची हत्या कोणी केली? अन इथं मृतदेह कोणी आणून फेकला? याचा शोध घेण्याचं काम पोलिसांनी तातडीनं सुरू केलं आहे.
दरम्यान, मिळालेल्या माहितीनुसार सोमवारी दुपारी या भागात दुर्गंधी पसरल्याचं आयआरबी पथकाने पोलिसांना कळवलं. ज्यानंतर प्रत्यक्षात जाऊन पाहणी केली असता, एका पोत्यात महिलेचा मृतदेह आढळून आला. तळेगाव पोलिसांच्या हद्दीत ही घटना घडल्याची बाब समोर आली आहे. दुसरीकडे ही हत्या नेमकी कशी आणि कधी करण्यात आली? महामार्गालगतच्या झुडपात हा मृतदेह कधीपासून आहे. याचा तपासही केला जात आहे.
