नाशिक : परवा राज्यभरात विधानसभा निवडणुकी पार पडणार असून आता पक्षांचा प्रचार संपला आहे. दरम्यान नाशिक मधून एक मोठी बातमी समोर आली आहे. नाशिकमध्ये भाजप आणि राष्ट्रवादी शरद पवार गटाच्या कार्यकर्त्यांमध्ये राडा झाला आहे.
मिळालेल्या माहितीनुसार, नाशिकमध्ये पुन्हा एकदा पूर्व विधानसभा मतदारसंघात राडा झाला आहे. भाजपचे राहुल ढिकले आणि राष्ट्रवादी शरद पवार गटाचे उमेदवार गणेश गीते यांचा कार्यकर्त्यांमध्ये तुंबळ हाणामारी झाल्याची माहिती समोर आली आहे. राहुल ढिकले यांच्या कार्यकर्त्यांनी गणेश गीते यांच्या कार्यकर्त्यांची गाडी फोडली. गणेश गीते यांच्याकडून पैसे वाटप होत असल्याचा राहुल ढिकले यांच्या समर्थकांचा आरोप आहे. गणेश गीते यांच्या कार्यकर्त्यांकडून स्लीप वाटप केलं जात होतं. त्याचवेळी भाजपच्या कार्यकर्त्यांनी गणेश गीते यांच्या कार्यकर्त्यांची स्कॉर्पिओ गाडीची तोडफोड केली.
दरम्यान, या घटनेमुळे नाशिक शहरात तणावाचं वातावरण आहे. घटनास्थळी पोलीस दाखल झाले असून तपास करत आहे.
.
