बाबा सिद्दीकी हत्या प्रकरणात आतापर्यंत २५ जणांना अटक करण्यात आली आहे. गुजरातमधल्या एका आरोपीला महाराष्ट्रातील अकोल्यातून अटक केली असल्याची माहिती पोलीस अधिकाऱ्यांनी दिलीय. त्याने इतर आरोपींना आर्थिक मदत केल्याचा आरोप आहे.
अकोल्यातील बाळापूर इथून अटक केलेल्या आरोपीचं नाव सलमान इकबाल वोहरा असं आहे. तो गुजरातच्या आनंद जिल्ह्यातील पेटलाद इथला आहे. गुन्हे शाखेच्या अधिकाऱ्यांनी पोलिसांच्या मदतीने त्याला अटक केली.
दरम्यान , सलमानच्या अटकेबद्दल अधिकाऱ्यांनी सांगितंल की, मे महिन्यात एक खातं उघडण्यात आलं होतं. त्या खात्यावरून आरोपी गुरमेल सिंह, रुपेश मोहोल, हरीशकुमारचा भाऊ नरेशकुमार सिंह यांना पैसे पाठवण्यात आले होते. इतकंच नाही तर वोहराने इतर आरोपींनासुद्धा मदत केली होती.
