सीबीएसईच्या 10 वी आणि 12 वी बोर्ड परीक्षांच्या तारखा जाहीर, पाहा संपूर्ण वेळापत्रक

देश
२१ नोव्हेंबर २०२४

सीबीएसईच्या 10 वी आणि 12 वी बोर्ड परीक्षांच्या तारखा जाहीर, पाहा संपूर्ण वेळापत्रक

दैनिक भ्रमर

केंद्रीय माध्यमिक शिक्षण मंडळाने (CBSE) 10 वी आणि 12 वी बोर्ड परीक्षांच्या तारखा जाहीर केल्या आहेत. 10 वी आणि 12 वीच्या परीक्षा 15 फेब्रुवारीपासून सुरु होणार आहेत. दहावी बोर्डाची परीक्षा 18 मार्चला संपणार आहेत. तर बारावीची परीक्षा 4 एप्रिलपर्यंत सुरु असेल. सीबीएसईने परीक्षेचं वेळापत्रक जाहीर केलं आहे. यासह शाळांना परीक्षेत सहभागी होणाऱ्या विद्यार्थ्यांची यादी बोर्डाकडे सोपवण्यात सांगण्यात आलं आहे

सीबीएसई दहावी, बारावीच्या परीक्षेचे पेपर सकाळी १०.३० वाजता सुरू होतील आणि दुपारी १.३० वाजता संपतील. सीबीएसईने मुख्य परीक्षेचे वेळापत्रक गेल्या वर्षीच्या तुलनेत २३ दिवस आधी जाहीर केले आहे. तसेच जेईई मेन आणि नीट सारख्या प्रवेश परीक्षांचे वेळापत्रक लक्षात घेऊन बारावीच्या परीक्षेच्या तारखा निश्चित करण्यात आल्याचे बोर्डाने नोटीसमध्ये म्हटले आहे. एकाच विद्यार्थ्याने दिलेल्या दोन विषयांच्या परीक्षा एकाच दिवशी होऊ नयेत, यासाठी ४० हजारांहून अधिक विषयांची सांगड घालून डेटशीट तयार करण्यात आली आहे. वेळापत्रकानुसार, दहावीची परीक्षा १५ फेब्रुवारीपासून सुरू होईल आणि पहिला पेपर इंग्रजीचा असेल. तर, बारावीची परीक्षा १५ फेब्रुवारीला आहे.

सीबीएसई इयत्ता १०वीचे वेळापत्रक २०२५

(कम्युनिकेटिव्ह / कम्युनिकेशन) भाषा व साहित्य - १५ फेब्रुवारी २०२५..

विज्ञान - २० फेब्रुवारी २०२५

संस्कृत - २२ फेब्रुवारी २०२५

सामाजिक विज्ञान - २५ फेब्रुवारी २०२५

हिंदी - २८ फेब्रुवारी २०२५

चित्रकला - १ मार्च २०२५

गणित मूलभूत / गणित मानक - १० मार्च २०२५

होम सायन्स - १३ मार्च २०२५

संगणक अनुप्रयोग, एआय, आयटी - १८ मार्च २०२५

सीबीएसई इयत्ता १२वी वेळापत्रक २०२५

उद्योजकता - १५ फेब्रुवारी २०२५