कितीही कमावल तरी काही जणांची पैशाची हाव काही संपत नाही. पुण्यातून देखील असाच एक खळबळजनक प्रकार समोर आला आहे. पुण्यातील उच्च पदस्थ अधिकारी असलेल्या पतीने आपल्याच उच्च पदस्थ असलेल्या पत्नीचे घरात स्पाय कॅमेरा लावून आंघोळीचा व्हिडीओ काढल्याची धक्कादायक घटना समोर आली आहे.
2020 मध्ये दोघांचं लग्न झाल होतं. त्यांना दोन मूलंही आहेत. या ना त्या कारणावरून त्यांच्यात नेहमी वाद व्हायचे. शिवाय नवऱ्याप्रमाणे बायकोही उच्चपदस्थ अधिकरी आहे. सासरची मंडळी त्रास देते असून मानसिक छळ करायचे असा आरोप पीडितेने केला होता. त्यानंतर दोघांच काउन्सेलिंग महिला दक्षता समिती आणि भरोसा सेल यांच्याकडे करण्यात आलं. त्यानंतर दोघे एकत्र राहत होते, मात्र वाद अजून पेटला . नवरा मानसिक आणि शारीरिक छळ करायचा असा आरोप या महिला अधिकाऱ्याने केला आहे. सोबतच पतीने घरात स्पाय कॅमेरा लावला आणि त्यातून माझे आंघोळीचे व्हिडीओ काढून ते व्हायरल करण्याची धमकी दिली, असाही आरोप तक्रारीत महिला अधिकाऱ्याने केला आहे.
शिवीगाळ, मारहाण करून वारंवार माहेराहून पैसे आणण्याचा दबाव पीडितेचा अधिकारी नवरा टाकत होता. दीड लाख रुपये माहेरून आणण्याची तो जबरदस्ती करत होता. पत्नीवर सतत नजर ठेवण्यासाठी घरात, विशेषतः बाथरूममध्ये स्पाय कॅमेरे बसवले. व्हिडीओ रेकॉर्ड करून ते व्हायरल करण्याची धमकी देत मानसिक त्रास दिला. पतीकडून सातत्याने होणारा मानसिक व शारीरिक छळ आणि ब्लॅकमेलिंग सहन न झाल्याने पीडितेने अखेर पोलिसांकडे मदत मागितली. तिने पतीसह सासरच्या सात जणांविरुद्ध आंबेगाव पोलिस ठाण्यात तक्रार दिली आहे. अधिक तपास आंबेगाव पोलिस करत आहे.
