भारतीय संघाचा इंग्लंड दौरा संपला आहे. टीम इंडियाने या दौऱ्यात शानदार कामगिरी केली. इंग्लंडविरुद्ध 5 सामन्यांची कसोटी मालिका 2-2 अशी बरोबरीत राहिली. आता टीम इंडिया साधारण एक महिन्यांपेक्षा जास्त दिवस विश्रांती घेईल. भारतीय क्रिकेट संघ आता थेट आशिया कप 2025 मध्ये मैदानावर दिसणार आहे. यंदा आशिया कप संयुक्त अरब अमिराती (यूएई) मध्ये आयोजित केला जात आहे.
9 ते 28 सप्टेंबर दरम्यान टी-20 स्वरूपात ही स्पर्धा आयोजित केली जाईल. भारतीय संघाला 10 सप्टेंबर रोजी युएईविरुद्ध पहिला सामना खेळायचा आहे. त्यानंतर 14 तारखेला संघ पाकिस्तानशी भिडेल. 19 सप्टेंबर रोजी भारत ओमानशी भिडेल. यानंतर सुपर-4 सामने होतील. सुपर-4 मध्येही भारत आणि पाकिस्तान यांच्यात सामना होण्याची शक्यता आहे. भारत आणि पाकिस्तानचा गट अ मध्ये समावेश करण्यात आला आहे. त्यांच्यासोबत यजमान यूएई आणि ओमान या संघांचाही या गटात समावेश आहे.
आशिया कप 2025 – संपूर्ण वेळापत्रक
9 सप्टेंबर – अफगाणिस्तान विरुद्ध हाँगकाँग
10 सप्टेंबर – भारत विरुद्ध यूएई
11 सप्टेंबर – बांगलादेश विरुद्ध हाँगकाँग
12 सप्टेंबर – पाकिस्तान विरुद्ध ओमान
13 सप्टेंबर – बांगलादेश विरुद्ध श्रीलंका
14 सप्टेंबर – भारत विरुद्ध पाकिस्तान
15 सप्टेंबर – यूएई विरुद्ध ओमान
15 सप्टेंबर – श्रीलंका विरुद्ध हाँगकाँग
16 सप्टेंबर – बांगलादेश विरुद्ध अफगाणिस्तान
17 सप्टेंबर – पाकिस्तान विरुद्ध यूएई
18 सप्टेंबर – श्रीलंका विरुद्ध अफगाणिस्तान
19 सप्टेंबर – भारत विरुद्ध ओमान
