गेल्या अनेक महिन्यांपासून देशातील महागाईने हाहाकार माजवला असून जीवनावश्यक वस्तूंच्या दारात होणार वाढ सर्वसामान्यांच्या आव्याक्या बाहेर असून आता महाराष्ट्रातील दूध उत्पादक आणि ग्राहकांसाठी महत्त्वाची बातमी समोर आली आहे. आजपासून राज्यात गायी आणि म्हशीच्या दुधाच्या दरात प्रतिलिटर 2 रुपयांची वाढ करण्यात आली आहे. त्यामुळे दूध खरेदी करणाऱ्या ग्राहकांच्या खिशावर आता अतिरिक्त भार पडणार आहे.
गायीच्या दुधाचा दर 60 रुपयांवरून 62 रुपये प्रतिलिटर झाला आहे. तर म्हशीच्या दुधाच्या दरातही प्रतिलिटर 2 रुपयांची वाढ करण्यात आली असून, म्हशीच्या दुधाचा नवीन दर 78 रुपये प्रतिलिटर झाला आहे.
दरम्यान, केवळ दुधाचे दरच वाढले नसून विविध दुग्धजन्य पदार्थांच्या किमतींमध्येही वाढ करण्यात आली आहे. दही, ताक, तूप आणि पनीर यांसारख्या दुग्धजन्य पदार्थांच्या दरात सुमारे 10 टक्क्यांनी वाढ झाली आहे.
दूध आणि दुग्धजन्य पदार्थांच्या दरवाढीमुळे सर्वसामान्य ग्राहकांच्या घरगुती बजेटवर परिणाम होण्याची शक्यता आहे. विशेषतः दररोज दूध आणि दुग्धजन्य पदार्थांचा वापर करणाऱ्या कुटुंबांना या दरवाढीचा अतिरिक्त खर्च सहन करावा लागणार आहे.
