बिग बॉस मराठीचा विजेता सूरज चव्हाण कायमच चर्चेत आहे. बिग बॉस विजयी सूरज चव्हाण चित्रपटाच्या माध्यमातून देखील प्रेक्षकांच्या भेटीला आला आहे. सोशल मीडियावर सूरजची क्रेझ कायम दिसत आहे. विविध पोस्ट आणि व्हिडीओ सूरज चव्हाण शेअर करत आहे. अशातच सूरजच्या सोशल मीडियावरून काही फोटो डिलिट झाले आहे. स्वत: सूरज चव्हाणने याबाबतची माहिती दिली आहे.
सूरज चव्हाणचे इन्स्टाग्रामवर लाखो फॉलोवर्स आहे. अनेक फोटो आणि व्हिडीओ पोस्ट करत सूरज चाहत्यांच्या संपर्कात असतो. अशातच सूरज चव्हाणच्या इंस्टाग्राम अकाउंटवरून काही महत्वाच्या पोस्ट डिलिट झाल्या आहे. सूरजने नुकतंच एक पोस्ट शेअर केली आहे.
सूरजने पोस्टमध्ये, " नमस्कार मी आपल्या सर्वाचा महाराष्ट्राचा लाडका सूरज चव्हाण. माझं इंस्टाग्राम अकाउंटवरती काही प्रॉब्लेम असल्यामुळे काही खूप महत्वाच्या पोस्ट्स डिलिट झाल्या आहेत. त्यामध्ये माझ्या अंकिता ताई आणि जान्हवी ताईच्या पण होत्या. यापुढे मी स्वत: लक्ष देईल आणि काळजी घेईळ तरीही आपण कुणाचे मन दुखावले असले तर मोठ्या मनाने मला माफ करा.
सूरज चव्हाण सोशल मीडियावर सक्रिय असल्यामुळे नुकताच पोस्ट केलेल्या या पोस्ट डिलिट झाल्याची माहिती आहे. पण या पोस्ट कोणी डिलिट केल्या याबाबतची कोणतीही माहिती नाही. यामुळेच सूरजचे अकाउंट हॅक झाले की काय असा प्रश्न समोर येत आहे.
