आजकाल महिलांवर होणार कौटुंबिक हिंसाचाराच्या घटनेत चिंताजनक वाह आहोत आहे. महिला घरातही सुरक्षित नाही आणि बाहेरही. अशीच एक धक्कादायक हगतना समोर आली आहे.
गर्भातील मूल आपले नाही या संशयातून एका व्यक्तीने आपल्या गर्भवती पत्नीला बेदम मारहाण केली. या दरम्यान गर्भवती महिलेचा मृत्यू झाल्याची धक्कादायक घटना घडली आहे. गुरुवारी, 19 डिसेंबर रोजी वाळूज परिसरातील जोगेश्वरी येथे ही घटना घडली. मारहाणीत महिला गंभीर झाली. त्यातच तिचा मृत्यू झाला. सासरच्या नातेवाईकांवर गुन्हा दाखल झाला आहे.
हा प्रकार उघडकीस आल्यानंतर पोलिसांनी पती आणि मृत महिलेच्या सासूविरुद्ध गुन्हा दाखल केला आहे. सिमरन परसराम बाथम (29) असे मृत महिलेचे नाव आहे. ती सिंधी कॅम्प, ग्वाल्हेर, मध्य प्रदेशातील रहिवासी आहे, अशी माहिती एफपीजेने दिली. बाथम हा वाळूज परिसरातील रांजणगाव येथे गेल्या अनेक वर्षांपासून राहत असल्याची माहिती आहे. जहीर नजीर शेख (20) आणि त्याची आई नाझिया नजीर शेख, अशी आरोपींची नावे आहेत.
पीडितेची आई फुलवती परसराम बाथम यांनी पोलिसात जाऊन तक्रार दाखल केल्यानंतर ही घटना उघडकीस आली. त्यांच्या तक्रारीवरून पोलिसांनी पीडितेच्या पती आणि सासूला अटक केली. रिपोर्टनुसार, 2016 मध्ये वडिलांचे निधन झाल्यानंतर सिमरन वाळूज येथे आली. सात वर्षांपूर्वी तिने बाबा सय्यद नावाच्या व्यक्तीशी लग्न केले, परंतु वारंवार भांडण होत असल्याने ते वेगळे झाले. सिमरनला सय्यदपासून चार वर्षांचा मुलगा असल्याची माहिती आहे.
नंतर तिची जहीरशी भेट झाली आणि दोघांनी नोटरीद्वारे लग्न केले. पोलिसांनी सांगितले की, पीडिता तिच्या पतीने मारली तेव्हा ती दोन महिन्यांची गर्भवती होती. प्राथमिक तपासादरम्यान, पोलिसांना कळले की आरोपीला त्याच्या पत्नीच्या चारित्र्यावर संशय होता आणि तिच्या पोटातील मूल त्याचे नाही असा विश्वास होता. तसेच तो सिमरनला वारंवार मारहाण करत असे. याबाबत पीडितेने तिच्या आईकडे अनेकदा तक्रारी केल्या आहेत.
या प्रकरणविषयी सविस्तर माहिती अशी की , गेल्या महिन्यात सिमरन ग्वाल्हेर येथे तिच्या आईच्या घरी गेली, जिथे तिने तिला पती आणि सासूकडून सतत मारहाण होत असल्याची माहिती दिली. तिला इतर पुरुषांशी संबंध ठेवण्यास भाग पाडले जात असल्याचेही पीडितेने तिच्या आईला सांगितले. आणि तिने न पाळल्यास तिला व तिच्या मुलाला मारहाण केली. 19 डिसेंबर रोजी पीडितेने तिच्या आईला व्हिडिओ कॉल करून मारहाण झाल्याची माहिती दिली. जहीरने तिच्या पोटात लाथ मारली आणि तिला काहीतरी खाण्यास भाग पाडले, असेही तिने आईला सांगितले. तिची प्रकृती खालावल्याने तिला शासकीय वैद्यकीय महाविद्यालय व रुग्णालयात (जीएमसीएच) दाखल करण्यात आले. त्यानंतर डॉक्टरांनी तपासणी केल्यानंतर तिला मृत घोषित केले.
