मनमाड : रेल्वे ड्रायव्हरने दाखवलेल्या तत्परतेने आज एका प्रवाशाचा जीव वाचला आहे. घडलं असं की , मुंबई वरून नांदेड कडे जाणारी तपोवन एक्सप्रेस मनमाड यार्डात (हद्दीत) आली असतांना एक प्रवाशी पडला असल्याचे समजले.
त्यामुळे रेल्वे ड्रायव्हर आणि गार्डने रेल्वे थेट एक ते दिड किलोमीटर मागे घेतली व इतर प्रवाशांच्या मदतीने जखमी असलेल्या सहप्रवाशाला गाडीत टाकून मनमाड रेल्वे स्थानकावर आणले व उपचारासाठी रुग्णालयात दाखल केले. दरम्यान रेल्वे ड्रायव्हरने दाखवलेल्या माणुसकीने आज एका प्रवाशाचा जीव वाचल्याने या गोष्टीची सर्वत्र चर्चा होतेय.
