राजकारणातील घडामोडींना वेग आला असून पेन ड्राईव्ह बॉम्ब’ प्रकरणी मोठी अपडेट,समोर आली आहे. देवेंद्र फडणवीस आणि एकनाथ शिंदेंना खोट्या गुन्ह्यात अडकवण्याच्या षड‌्यंत्र प्रकरणात अखेर उच्चस्तरीय चौकशी समिती नियुक्त करण्यात आली आहे. सत्यनारायण चौधरी यांच्या अध्यक्षतेखाली उच्चस्तरीय चौकशी समिती स्थापन करण्यात आली आहे.
महाविकासआघाडी सरकारच्या काळात तत्कालीन विरोधी पक्षनेते देवेंद्र फडणवीस आणि नगरविकास मंत्री एकनाथ शिंदे यांना अटक करून अडचणीत आणण्याचा डाव होता. देवेंद्र फडणवीस आणि शिवसेना पक्षप्रमुख एकनाथ शिंदे यांना खोट्या गुन्ह्यात अडकवा, अशी एक कथित ऑडिओ क्लिप सभागृहात सादर करण्यात आली होती. यात एसीपी सरदार पाटील एका अज्ञात व्यक्तीशी बोलत असून त्यात ते परमबीर सिंह आणि संजय पुनामिया यांच्यार गुन्हा दाखल करून फडणवीस-शिंदे यांना अडकवण्याचे षडयंत्र रचत असल्याचे समोर आले होते.
दरम्यान , या प्रकरणानंतर प्रवीण दरेकर यांनी या प्रकरणाच्या चौकशीसाठी एसआयटी चौकशी नेमावी, अशी मागणी केली होती. आता प्रवीण दरेकर यांची ही मागणी मान्य करण्यात आली आहे.
नुकतंच महाराष्ट्र शासनाच्या गृह विभागाने एक परिपत्रक काढलं आहे. या परिपत्रकात एक विशेष तपास पथक (SIT) स्थापन करण्याबद्दल नमूद करण्यात आले आहे. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यावर खोटे गुन्हे दाखल करुन त्यांना अडवकण्याचा कट रचल्याच्या चौकशीसाठी ही एसआयटी स्थापन करण्यात आली आहे. एका वरिष्ठ आयपीएस अधिकाऱ्यांच्या अध्यक्षतेखाली ही SIT गठीत केली जाईल, असे आश्वासन देण्यात आले आहे.
