राजकीय वर्तुळातून एक खळबळजनक बातमी समोर येत आहे. शिवसेना शिंदे गटातील जालना मतदारसंघाचे आमदार अर्जुन खोतकर आणि त्यांचे पुत्र अभिमन्यू खोतकर यांना सोशल मीडियावरून जीवे मारण्याची धमकी देण्यात आली आहे. या प्रकरणानंतर परिसरात एकच खळबळ उडाली आहे.
या प्रकरणी अभिमन्यू खोतकर यांनी जालना तालुका पोलीस ठाण्यात तक्रार दाखल केली असून, अज्ञात व्यक्तींविरोधात गुन्हा दाखल करण्यात आला आहे. या घटनेचा अधिक तपास सुरू असून .
मिळालेल्या माहितीनुसार, चार वेगवेगळ्या इन्स्टाग्राम अकाउंटवरून अश्लील शिवीगाळ करत आमदार अर्जुन खोतकर आणि त्यांचे पुत्र अभिमन्यू खोतकर यांना गोळ्या झाडून जीवे मारण्याची धमकी देण्यात आली आहे. या प्रकारामुळे जालना शहरात मोठी खळबळ उडाली.
पोलीस तपास वेगाने सुरू खोतकर पिता पुत्राला धमकीचा मेसेज आल्यानंतर अभिमन्यू खोतकर यांनी यासंदर्भात जालना तालुका पोलीस ठाण्यात तक्रार दाखल केली. तसेच पोलिसांनी तातडीने अज्ञात व्यक्तींविरोधात गुन्हा दाखल केला. पोलिसांनी तपासाला सुरूवात केली असून, संबंधित इन्स्टाग्राम अकाउंटची सखोल चौकशी सुरू आहे.
