वर्धा येथे सोमवारी आयोजित करण्यात आलेल्या भाजप कार्यकर्त्यांच्या महामंथन मेळाव्यात मुख्यमंत्री देवेंद्र फडणवीस बोलत होते. यावेळी भारतीय जनता पक्षाच्या वर्ध्यातील मेळाव्यात अशोक नेते यांचा डोळा लागला.
मुख्यमंत्री देवेंद्र फडणवीस यांचं भाषण सुरू होतं. मात्र मुख्यमंत्र्यांच्या भाषणावेळी माजी खासदारांना मंचावरच डुलकी लागल्याचे पाहायला मिळाले. दरम्यान, भारतीय जनता पक्षाच्या वर्ध्यातील मेळाव्यात अशोक नेते यांचा डोळा लागल्याचा व्हिडीओ सध्या चांगलाच व्हायरल होत आहे.
गडचिरोलीचे माजी खासदार अशोक नेते हे मंचावरच झोपलेले दिसून आले. विशेष म्हणजे, यावेळी राज्याचे मुख्यमंत्री देवेंद्र फडणवीस पक्ष संघटना मजबूत करण्यासंदर्भात मार्गदर्शन करत होते. दरम्यान, त्यांचा डुलकी घेत असलेला व्हिडिओ व्हायरल होत आहे.
सोमवारी वर्धा येथे भाजप नियोजन मेळावा पार पडला. या मेळाव्यात विदर्भातील भाजपचे आजी-माजी खासदार, आमदार, तसेच विविध पदाधिकारी उपस्थित होते.
यावेळी राज्याचे मुख्यमंत्री देवेंद्र फडणवीस हे पक्ष संघटना मंजबूत करण्यासाठी मार्गदर्शन करत होते. त्यांचं भाषण सुरू असताना एक अनोखी घटना घडली. भाजप नेते आणि माजी खासदार अशोक नेते यांना झोपेची डुलकी लागली.
त्यानंतर मंचावर झोपलेला क्षण उपस्थितांच्या नजरेतून सुटला नाही. काहींनी याचा व्हिडिओ शूट केला आणि सोशल मीडियात व्हायरल केला.
दरम्यान, काही क्षणातच संबंधित व्हिडीओ सोशल मीडियावर व्हायरल झाला आणि चर्चेचा विषय ठरला. या प्रकारामुळे सोशल मीडियावर विविध प्रतिक्रिया उमटत असून, काही जणांनी भाजप नेत्यांच्या गंभीरतेवर प्रश्नचिन्ह उपस्थित केलं आहे.
