आगामी स्थानिक स्वराज संस्था आणि महापालिकेच्या निवडणुकांचे वारे जोरदार वाहत आहे. त्या पार्श्वभूमीवर सर्वच पक्ष जोरदार तयारीला लागले आहे. त्यासोबतच पक्षांतरेही मोठ्या प्रमाणात होत आहे. आता यवतमाळ जिल्ह्यात ठाकरे गटाला मोठा धक्का बसला आहे. उपमुख्यमंत्री एकनाथ शिंदे यांच्या उपस्थितीत ठाकरे गटाच्या आणि काँग्रेसच्या अनेक पदाधिकाऱ्यांनी शिवसेना शिंदे गटात प्रवेश केला. यात अनेक माजी नगरसेवक, नगराध्यक्ष, पदाधिकारी अशा एकूण २५ जणांचा समावेश आहे .
यवतमाळमध्ये अनेक सरपंच, जिल्हा परिषद सदस्य आणि माजी नगराध्यक्ष यांनी शिवसेनेत शिंदे गटात प्रवेश केला. मंत्री संजय राठोड हे ही यावेळेस उपस्थित होते. या सर्व कार्यकर्त्यांच्या प्रवेशामुळे आणि मंत्री संजय राठोड यांच्या नेतृत्वाखालील विजयी घोडदौड आणखी मजबूत होईल. हे सर्वजण खऱ्या शिवसेनेत परतले आहेत. गेल्या अडीच वर्षांत राज्यात विकासकामे झाली. या सरकारने ‘लाडकी बहीण’ आणि ‘लाडका भाऊ’ या सर्वांना चांगले दिवस देण्याचे काम केले आहे. लवकरच स्थानिक स्वराज्य संस्थांच्या निवडणुकीत महायुतीचा भगवा डौलाने फडकेल,’ असा विश्वास एकनाथ शिंदे यांनी यावेळी व्यक्त केला.
यांचा झाला पक्षप्रवेश
माजी नगराध्यक्ष आणि नगरसेवक- पवन जयस्वाल: माजी नगराध्यक्ष, नेर, सुनीताताई जयस्वाल: माजी नगराध्यक्ष, नेर, वनिताताई मिसळे: माजी नगराध्यक्ष, नेर, संदीप गायकवाड: नगरसेवक, दिलीप मस्के: नगरसेवक, सरिता मनोज सुने: नगरसेविका, दर्शना लोकेश इंगोले: नगरसेविका (काँग्रेस), साजिद शरीफ: नगरसेवक
कृषी उत्पन्न बाजार समिती संचालक आणि सहकारी संस्था पदाधिकारी- राकेश नेमनवार: संचालक, संतोष बोडेवार: संचालक, अभय डोंगरे: संचालक, विलास ठाकरे: विविध सहकारी संस्था अध्यक्ष आणि कृषी उत्पन्न बाजार समिती संचालक, राहुल देहणकर: विविध सहकारी संस्था संचालक
उद्धव बाळासाहेब ठाकरे (उबाठा) गटाचे पदाधिकारी - रिझवान खान: माजी जिल्हाध्यक्ष, अल्पसंख्यांक आघाडी, अविनाश देशमुख: शहर समन्वयक, महागाव, तेजस ठाकरे – ठाकरे गटाचा कार्यकर्ता, रूपेश ठाकरे: सवना, अमोल जाधव (पाटील): आमनी, शुभम राठोड: महागाव,निलेश भारती: आमणी (बु.)
काँग्रेस आणि इतर प्रमुख पदाधिकारी- लोकेश इंगोले: काँग्रेस जिल्हा सरचिटणीस, राकेश नेमनवार: माजी जिल्हा परिषद सदस्य, माजी उपसभापती (पंचायत समिती),संतोष बोडेवार: उपसभापती (पंचायत समिती), अभय डोंगरे: माजी उपसभापती, गणेश शीलकावार: सामाजिक कार्यकर्ते
