सध्या सर्वांचे लक्ष गुजरातमधील जामनगर येथे आहे. येथे अनंत अंबानी आणि राधिका मर्चंट यांच्या प्री-वेडिंग सेलिब्रेशन सुरू झाले आहे. यानिमित्ताने बॉलिवूडपासून हॉलिवूडपर्यंत सर्व सेलिब्रिटी सहभागी होणार आहेत. यावेळी सेलिब्रिटी, फिल्म स्टार आणि हॉलिवूडमधील बड्या व्यक्तींचेही आगमन सुरू झाले आहे.
मुकेश अंबानी आणि नीता अंबानी यांच्या घरात गेल्या अनेक दिवसांपासून उत्सवाचे वातावरण आहे. त्यांचा धाकटा मुलगा अनंत अंबानी लवकरच त्यांची मंगेतर राधिका मर्चंटसोबत लग्न करणार आहे. त्यामुळे जामनगरमध्ये जगभरातील स्टार्सची मोठी गर्दी जमत आहे.
1 मार्च ते 3 मार्च दरम्यान त्यांच्या प्री-वेडिंग फंक्शन्सचे आयोजन करण्यात आले आहे, ज्यामध्ये बॉलिवूडपासून हॉलिवूड, राजकारण, व्यवसाय, क्रिकेट आणि इतर जगाच्या मोठ्या व्यक्तींना आमंत्रित करण्यात आले आहे.
कलाकारांची धमाकेदार एंट्री
अंबानींच्या कार्यक्रमात सहभागी होण्यासाठी सलमान खानही पोहोचला आहे. यावेळी बॉलीवूडचा दबंग हिरो सलमान खानच्या धमाकेदार एट्रींने सर्वांचे लक्ष वेधून घेतले.अंबानींच्या कार्यक्रमात सहभागी होण्यासाठी सलमान खानही पोहोचला आहे. या फंक्शनमध्ये अभिषेक बच्चन, सलमान खान आणि जान्हवी कपूर यांसारख्या कलाकारांसह अनेक बॉलिवूड स्टार्सही सहभागी होत आहेत. दरम्यान या कार्यक्रमात सहभागी होण्यासाठी अर्जुन कपूरही पोहोचला आहे.
तसेच आलिया आणि रणबीर कपूर अनंत अंबानी आणि राधिका मर्चंट यांच्या प्री-वेडिंगला त्यांची मुलगी राहा आणि आई नीतू कपूरसोबत पोहोचले आहेत. दरम्यान आता सध्या या प्री वेडिंग फंक्शनची उत्सुकता सगळ्यांना लागून राहिली आहे.
हॉलिवूडची लोकप्रिय गायिका रिहाना तिच्या टीमसोबत दिसली.रिहाना अनंत अंबानींच्या प्री-वेडिंगमध्येही परफॉर्म करणार आहे असे सांगितले जात आहे की हा प्रसंग आणखी खास बनवण्यासाठी रिहाना देखील परफॉर्म करणार आहे. इथले कार्यक्रम पारंपारिक पण अतिशय भव्य पद्धतीने होणार असल्याचे सांगण्यात येत आहे.
या जोडप्याच्या पूर्व-विवाहाची सुरुवात बुधवारी रात्री अन्नसेवेने झाली, जिथे मुकेश अंबानी आणि त्यांच्या कुटुंबाने भावी सून राधिका मर्चंटसह रिलायन्स टाउनशिपजवळील जोगवाड गावात गावकऱ्यांना गुजराती जेवण दिले.
