नाशिकच्या "या" परिसरात पहाटेच्या सुमारास भीषण आग , लाखोंचे नुकसान
दैनिक भ्रमर
सातपूर : (मंगेश एरंडे) : अशोकनगर परिसरातील टायर दुकानाला पहाटे साडेतीन ते चार वाजेच्या सुमारास आग लागल्याची घटना घडली. यामध्ये सुदैवाने जीवितहानी झाली नाही.या आगीत लाखों रुपयांचे नुकसान झाल्याचा अंदाज व्यक्त करण्यात आला आहे.
अशोकनगर परिसरातील पंडित अपार्टमेंट खाली असलेल्या राजू टायर वर्क्स या दुकानाला पहाटे साडेतीन ते चार वाजेच्या सुमारास आग लागल्याची घटना घडली..काही वेळातच या आगीने रौद्ररूप धारण केले.
या आगीत दुकानामध्ये असलेले चारचाकी, दुचाकी वाहनाचे टायर व मशिनरी जळून खाक झाले.या आगीत लाखो रूपयांचे नुकसान झाल्याचा अंदाज व्यक्त करण्यात आला आहे.
आगीचे नेमके कारण समजू शकले नाही.अग्नीशमन दलाला आगीची माहिती मिळताच सातपूर अशा चार बंबानी आग नियंत्रणात आणली.आगीचे नेमके कारण समजू शकले नाही.
