जम्मू-कश्मीरमध्ये अतिरेक्यांनी पुन्हा डोके वर काढले असून अतिरेक्यांनी पर्यटकांना टार्गेट केले आहे. जम्मू काश्मीरमधील पहलगाम जिल्ह्यामध्ये दहशतवाद्यांनी पर्यटकांवर गोळीबार केल्याची घटना घडली. या दहशतवादी हल्यामध्ये एकूण 27 हून अधिक पर्यटकांचा मृत्यू झाल्याची माहिती आहे. जम्मू-काश्मीरच्या पहलगाममध्ये झालेल्या दहशतवादी हल्ल्यात महाराष्ट्रातील पर्यटकांचा देखील समावेश आहे. यामध्ये पुण्याताील दोन दाम्प्त्य देखील असल्याती माहिती समोर आली आहे. दहशतवाद्यांनी पुण्यातील पर्यटकांची नावे विचारली आणि नंतर त्यांना गोळ्या घातल्याची माहिती समोर येत आहे.
पुण्यातील कुंटुंब मिनी स्विझर्लंड म्हणून ओळखल्या जाणाऱ्या परिसरात घोडेसवारी करत असताना दहशतवाद्यांनी गोळीबार केल्याची माहिती आहे. यामध्ये जगदाळे पती- पत्नी आणि गणगोटे दाम्पत्य होते. दोघेही घोड्यावर बसलेले असताना नाव विचारून गोळ्या घातल्या आहेत. पुण्यात कर्वेनगरमध्ये राहायला आहेत तर उर्वरित नागरिकही जखमी झाले आहेत.
या हल्ल्याची जबाबदारी लष्कर-ए-तैयबा या दहशतवादी संस्थेच्या नवीन शूर गट ‘द रेजिस्टन्स फोर्स’ (टीआरएफ) यांनी घेतली आहे. हा हल्ला “कश्मीरमधील हाय-प्रोफाइल पर्यटकांना लक्ष्य” करण्यात आला असून “भारतीय सुरक्षा दलांची दुर्बलता” दर्शविण्याचा प्रयत्न करण्यात आला.भारतीय सुरक्षा दलांनी घटनास्थळी गस्त वाढवली. तथापि, अधिक संभाव्य सहभागींचा शोध घेण्यासाठी ऑपरेशन सुरू आहे. पहलगाममधील पर्यटन उद्योगावर या घटनेचा गंभीर परिणाम होण्याची शक्यता आहे, कारण हे ठिकाण प्रसिद्ध ट्रेकिंग आणि साहसी क्रीडा स्थळ म्हणून ओळखले जाते.
जखमींना तत्काळ जवळच्या राजौरी रुग्णालयात दाखल केले गेले असून, कर्मचाऱ्यांच्या माहितीनुसार त्यांची स्थिती चिंताजनक आहे. जम्मू-कश्मीर प्रशासन आणि केंद्र सरकारने परिस्थितीचा आढावा घेण्यासाठी उच्चस्तरीय पथक स्थापन केले आहे. कश्मीरमध्ये सलग भीतीचे वातावरण निर्माण करणाऱ्या या घटनेनंतर सुरक्षा वाढविण्यासाठी केंद्र सरकारने अतिरिक्त NIA कर्मचाऱ्यांना दाखल करण्याचा निर्णय घेतला आहे.
