NEET पेपरफुटी प्रकरणाने संपूर्ण देशात खळबळ निर्माण झाली आहे. या प्रकरणात आता अनेक धागे दोरे सापडत असून अजूनही मोठे खुलासे होण्याची शक्यता आहे. CBI कडून देशातील विविध राज्यांमध्ये तपास वेगाने सुरू असून अनेक आरोपींची चौकशी करण्यात येत आहे. याच दरम्यान आता या प्रकरणी एक अत्यंत मोठी अपडेट समोर आली आहे.
देशभरात गाजत असलेल्या NEET पेपरफुटी प्रकरणावर आता केंद्र सरकार गंभीर झाल्याचे दिसत आहे. या प्रकरणाच्या पार्श्वभूमीवर केंद्रीय संरक्षण मंत्री राजनाथ सिंह यांच्या दिल्लीतील निवासस्थानी उच्चस्तरीय बैठक आयोजित करण्यात आली आहे. या बैठकीत केंद्रीय शिक्षण मंत्री धर्मेंद्र प्रधान यांच्यासह अनेक वरिष्ठ केंद्रीय मंत्री उपस्थित राहणार आहेत.
तसेच NTA चे महासंचालक आणि इतर वरिष्ठ अधिकारी देखील या बैठकीला हजर राहणार असल्याची माहिती समोर आली आहे. NEET परीक्षेतील गैरप्रकार, प्रश्नपत्रिका फुटीचे धागेदोरे आणि तपासाची सद्यस्थिती यावर या बैठकीत सविस्तर चर्चा होणार असल्याचे सांगितले जात आहे.
दरम्यान, CBI कडून देशातील विविध राज्यांमध्ये तपास वेगाने सुरू असून अनेक आरोपींची चौकशी करण्यात येत आहे. पेपरफुटी प्रकरणात सहभागी असलेल्या रॅकेटवर मोठी कारवाई होण्याची शक्यता व्यक्त केली जात आहे. विद्यार्थ्यांचे भविष्य लक्षात घेता केंद्र सरकार कठोर निर्णय घेण्याच्या तयारीत असल्याचे सूत्रांनी सांगितले.
