बॉलिवूडचा खिलाडी अशी ओळख असणाऱ्या अक्षय कुमारचा आज 56 वा वाढदिवस आहे. अक्षय कुमारच्या वाढदिवसानिमित्त आज वेलकम टू द जंगल सिनेमाची घोषणा झालीय.अक्षय कुमारच्या वेलकम टू द जंगल सिनेमाची खास पद्धतीने घोषणा करण्यात आलीय. या सिनेमाच्या टीझर अनाउंन्समेंट मध्ये असंख्य बॉलिबूड कलाकार दिसत आहेत.
अनेक जण सोशल मीडियावर पोस्ट शेअर करुन अक्षयला वाढदिवसाच्या शुभेच्छा देत आहेत. आज अक्षयनं त्याच्या वाढदिवसानिमित्त चाहत्यांना खास गिफ्ट दिलं आहे. त्यानं 'वेलकम टू द जंगल' या चित्रपटाचा मजेशीर टीझर सोशल मीडियावर शेअर केला आहे. 'वेलकम टू द जंगल' हा चित्रपट सोशल मीडियावर शेअर करुन अक्षयनं कॅप्शनमध्ये लिहिलं, 'मी स्वत:ला आणि तुम्हा सर्वांना माझ्या वाढदिवसाची भेट देत आहे. तुम्हाला हे आवडल्यास मला धन्यवाद म्हणा, मी याला वेलकम-3 म्हणत आहे.'
'वेलकम टू द जंगल' या चित्रपटाच्या टीझरमध्ये अक्षय कुमारसोबतच संजय दत्त, सुनील शेट्टी, अर्शद वारसी, परेश रावल, जॉनी लीव्हर, राजपाल यादव, तुषार कपूर, श्रेयस तळपदे, कृष्णा अभिषेक, किकू शारदा, दलेर मेहंदी, मिका सिंग, राहुल देव, मुकेश तिवारी, शारीब हाश्मी, इनाम कुमार, कृष्णा अभिषेक. झाकीर हुसेन, यशपाल शर्मा, रवीना टंडन, लारा दत्ता, जॅकलीन फर्नांडिस, दिशा पटानी आणि वृही कोडवारा हे कलाकार देखील दिसत आहेत. 'वेलकम टू द जंगल'मध्ये 24 कलाकार कॅपेला सादर करताना दिसणार आहेत.
कधी रिलीज होणार चित्रपट?
'वेलकम टू द जंगल' चित्रपटाचा टीझर पाहिल्यानंतर आता प्रेक्षक या चित्रपटाची उत्सुकतेने वाट बघत आहेत. हा चित्रपट 20 डिसेंबर 2024 रोजी रिलीज होणार आहे. असून त्याचे दिग्दर्शन अहमद खान करणार आहेत. ज्योती देशपांडे आणि फिरोज ए. नाडियाडवाला यांनी या चित्रपटाची निर्मिती केली आहे.
अक्षय कुमारने असा केला वाढदिवस साजरा
अक्षय कुमार आज ५६ वा वाढदिवस साजरा करत आहे. यंदाचा वाढदिवस अक्षयने अगदी वेगळ्या पद्धतीने साजरा करत असल्याचं यावेळी पहायला मिळालं. अक्षयने शनिवारी महाकाल मंदिरात हजेरी लावली. आपल्या वाढदिवसानिमित्त बाबा महाकालचे दर्शन घेण्यासाठी अभिनेता आपल्या कुटुंबासह येथे पोहोचला होता. सोशल मीडियावर हा व्हिडीओ सध्या चांगलाच व्हायरल होत आहे. जगप्रसिद्ध श्री महाकाल मंदिराचे पुजारी आशिष गुरू यांनी सांगितले की, चित्रपट अभिनेता अक्षय कुमार हा त्याच्या कुटुंबासह बाबा महाकालचे दर्शन घेण्यासाठी त्याच्या वाढदिवसानिमित्त भस्म आरतीला हजर होता, मंदिरातील नंदी हॉलमधून त्यांनी या दिव्य भस्म आरतीचे दर्शन घेतले. आज त्याच्या वाढदिवसानिमित्त तो त्यांच्या भक्तीत तल्लीन झालेला दिसला. तसेच त्याने आपल्या आगामी ‘मिशन राणीगंज’ चित्रपटाच्या यशासाठीही प्रार्थना केली.
अक्षय कुमारचे आगामी चित्रपट
'वेलकम टू द जंगल' या चित्रपटाबरोबरच अक्षयचा 'मिशन रानीगंज : द ग्रेट भारत रेस्क्यू' हा चित्रपट देखील प्रेक्षकांच्या भेटीस येणार आहे. 6 ऑक्टोबरला हा चित्रपट थिएटरमध्ये रिलीज होणार आहे. या चित्रपटात अक्षय कुमार हा दिवंगत जसवंत सिंह गिल यांच्या भूमिकेत दिसणार आहे. आता अक्षयच्या आगामी चित्रपटांची प्रेक्षक उत्सुकतेने वाट बघत आहेत.
