त्याचप्रमाणे मुंबईतील महत्त्वाकांक्षी प्रकल्प असलेल्या धारावी प्रकल्पामध्ये नाशिकच्या आदिवासी विकास महामंडळातून प्रतिनियुक्तीवर गेलेले उपजिल्हाधिकारी विनय गोसावी यांची जळगावला उपविभागीय अधिकारीपदी बदली झाली आहे. उदयसिंह भोसले यांची धाराशिवमधून अमरावती येथे बदली करण्यात आलेली आहे, तर नागपूरचे उपजिल्हाधिकारी श्रीराम मुंदडा यांची नागपूर महानगरपालिकेच्या उपायुक्तपदी बदली करण्यात आलेली आहे, अमरावती येथे असलेले अनिल भाटकर यांची बदली यवतमाळ येथे करण्यात आलेली आहे. राज्य शासनाने मंगळवारी अचानक या बदल्या केल्यामुळे येणार्‍या काही दिवसांमध्ये अजून बदल्या होण्याचे संकेत असल्याचे प्रशासकीय सूत्रांनी सांगितले.
