राज्यात महिला सुरक्षेचा प्रश्न ऐरणीवर असून मुलींची छेडछाड असे प्रकार सर्रास पाने घडत असतात. अशीच घटना समोर असली असून काही रोड रोमियोंनी मुलींची छेड काढली परंतु काही विद्यार्थिनींनी चांगलाच चोप देऊन त्यांना धडा शिकवला आहे.
कल्याण पूर्व येथील 100 फूट रोडवर भरदिवसा मुलींची छेड काढण्याचा प्रकार घडला आहे. टेम्पोमधून मुलींची छेड काढणाऱ्या तीन आरोपींना संबंधित विद्यार्थिनींनी धडा शिकवला. या घटनेमुळे परिसरात प्रचंड खळबळ उडाली आहे. नागरिकांनीही आरोपींना चांगली अद्दल घडवली. रोशन शर्मा, कपिल जयस्वाल आणि आशिष कुमार गौतम अशी या तीनही रोड रोमियोंची नावे आहेत. कल्याण कोळसेवाडी पोलिसांनी या तिघांना ताब्यात घेत गुन्हा दाखल करण्याची प्रक्रिया सुरू केली आहे.
समोर आलेल्या माहितीनुसार, चालत्या टेम्पोमधून तीन आरोपींनी रस्त्याने जाणाऱ्या काही विद्यार्थिनींची छेड काढली. त्यातील एका विद्यार्थिनीने या आरोपींना विरोध केल्यावर हे आरोपी टेम्पो थांबवून बाहेर आले आणि दादागिरी करू लागले. मात्र, त्यानंतर सात ते आठ विद्यार्थिनींनी एकत्रित येत आरोपींना चांगलाच चोप दिला. विद्यार्थिनींच्या आरडाओरडाने रस्त्यावरून येणाऱ्या-जाणाऱ्या नागरिकांचेही लक्ष गेले. नागरिकांनीही हस्तक्षेप करून आरोपींना पकडले आणि चोप देत कल्याण कोळशेवाडी पोलीसाच्या ताब्यात दिले.
रोशन शर्मा, कपिल जयस्वाल आणि आशिष कुमार गौतम अशी या तीनही रोड रोमियोंची नावे आहेत. कल्याण कोळसेवाडी पोलिसांनी या तिघांना ताब्यात घेत गुन्हा दाखल करण्याची प्रक्रिया सुरू केली आहे. या घटनेने पुन्हा एकदा महिलांच्या सुरक्षिततेचा मुद्दा समोर आला असून, विद्यार्थिनींच्या धाडसाचे सर्वत्र कौतुक होत आहे.
