उकाड्याच्या एप्रिल महिन्यानंतर वातावरणात अचानक कमालीचे बदल झाले असून राज्यात पावसाने खर्च केला आहे. या अवकाळीचा फटका सामान्यांसह शेतकऱ्यांना देखील बसला आहे. मे महिन्याच्या सुरुवातीला राज्यातील वातावरणात मोठे बदल घडून आले आणि पावसाळी वातावरण निर्माण झालं. ते अजूनही कायम आहे. तापमानाचा पारा जरी कमी असला तरीही काही भागांत उकाडा मात्र कायम आहे. 18 मे रोजीही राज्यातील कोकण, मध्य महाराष्ट्र, मराठवाडा आणि विदर्भात पावसाची शक्यता हवामान विभागाने वर्तवली आहे. त्याचबरोबर जिल्ह्यांना वेगवेगळे अलर्ट सुद्धा जारी केले आहे
मुंबईतील तापमान 26 ते 33 अंश सेल्सिअस दरम्यान असू शकते. त्याठिकाणी 18 मे रोजी अंशतः ढगाळ वातावरण राहून वादळी वाऱ्यासह हलक्या ते मध्यम पावसाची शक्यता असल्याचे हवामान विभागाने सांगितलेय. पुण्यातील तापमान 24 ते 35 अंश सेल्सिअस दरम्यान असू शकते. त्याठिकाणी देखील अंशतः ढगाळ वातावरण राहून दुपार किंवा सायंकाळनंतर पावसाची शक्यता वर्तवण्यात आली आहे.
छत्रपती संभाजी नगरमधील तापमान 24 ते 36 अंश सेल्सिअस दरम्यान असू शकते. त्याठिकाणी अंशतः ढगाळ वातावरण राहून वादळी वाऱ्यासह मध्यम पावसाची शक्यता वर्तवण्यात आली आहे. नाशिकमधील तापमान 23 ते 33 अंश सेल्सिअस दरम्यान असू शकते. त्याठिकाणी अंशतः ढगाळ वातावरण राहून वादळी वाऱ्यासह मध्यम पावसाची शक्यता वर्तवण्यात आली आहे.
नागपूरमधील तापमान 27 ते 41 अंश सेल्सिअस दरम्यान असू शकते. त्याठिकाणी वादळी वाऱ्यासह आणि विजांच्या कडकडाटासह पावसाची शक्यता वर्तवण्यात आली आहे.राज्यातील कोकण, मध्य महाराष्ट्र, मराठवाडा आणि विदर्भातील जिल्ह्यांना पावसाचा येलो अलर्ट जारी करण्यात आला आहे. पालघर, ठाणे, मुंबई, रायगड, रत्नागिरी, सिंधुदुर्ग, धुळे, नाशिक, अहिल्यानगर, कोल्हापूर, छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव, अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांचा त्यात समावेश आहे. याठिकाणी वादळी वाऱ्यासह आणि विजांच्या कडकडाटासह पावसाची शक्यता वर्तवण्यात आली आहे.
नंदुरबार आणि जळगाव या दोनच जिल्ह्यांना कोणताही अलर्ट हवामान विभागाकडून देण्यात आलेला नाही. याठिकाणी विजांच्या कडकडाटासह हलक्या ते मध्यम पावसाची शक्यता वर्तवण्यात आली आहे.पश्चिम महाराष्ट्रातील पुणे, सातारा, सांगली, सोलापूर या जिल्ह्यांना हवामान विभागाकडून पावसाचा ऑरेंज अलर्ट जारी करण्यात आला आहे. सोसाट्याच्या वाऱ्यासह आणि विजांच्या कडकडाटासह मध्यम पावसाची शक्यता वर्तवण्यात आली आहे.
