लष्करी घेराबंदी, धमक्या आणि इशाऱ्यानंतर अखेर अमेरिकेने वेनेजुएलावर हल्ला केला आहे. अमेरिकेने वेनेजुएलाची राजधानी काराकासमधील मोठ्या मिलिट्री बेसवर हल्ला केला आहे. काराकासमध्ये नेवी बेसवर हल्ला केला आहे. पेंटागनने नेवीबेसला टार्गेट केलं. शनिवारी मध्यरात्री २ च्या सुमारास वेनेजुएलाची राजधानी काराकास येथे कमीत कमी सात स्फोटाचे आवाज ऐकू आले. शहरातून धुराचा लोळ उठताना दिसला.
वेनेजुएला एक छोटा देश असून अमेरिकेचा शेजारी आहे. वेनेजुएलापासून अमेरिकेला कोणताही धोका नव्हता. इतकी वर्ष शेजारी असलेला हा देश अमेरिकेच्या डोळ्याला अचानक कसा खुपू लागला? अमेरिकेचे राष्ट्राध्यक्ष डोनाल्ड ट्रम्प यांना कुठली गोष्ट खटकली? ट्रम्प हे तिथल्या ड्रग्ज सिंडिकेटच कारण पुढे करत असले, तरी ते वरवर आहे. वेनेजुएलावर हल्ला करण्यामागे अमेरिकेचे कारण खूप वेगळं आहे.
ट्रम्प यांनी वेनेजुएलावर हल्ला करण्याचा आदेश दिला. यामागे खरं कारण आहे तेल. तेल ही वेनेजुएलाची खरी ताकद आहे. वेनेजुएलाकडे जगातील सर्वाधिक तेल साठे आहेत. तेलाच्या निर्यातीतून होणाऱ्या कमाईतून वेनेजुएलाच्या अर्थव्यवस्थेला गती मिळते. एकवेळ वेनेजुएलाच्या कमाईत तेलाचा वाटा ९० टक्के होता.
वेनेजुएलाची अर्थव्यवस्था प्रामुख्याने तेलावर अवलंबून आहे. तेलाचं एक्सपोर्ट वाढवण्याला प्राधान्य दिलं. तेलाच्या किंमती घसरल्यानंतर राजकीय अस्थिरता आली. त्याचा थेट फटका इथल्या अर्थव्यवस्थेला बसला. 2013 पासून वेनेजुएलामध्ये महागाई गगनाला भिडली आहे. बेरोजगारी वाढली. अन्नाचं संकट निर्माण झालं.
अमेरिकेने अनेक वेनेजुएलामध्ये आपला प्रभाव निर्माण करण्याचा प्रयत्न केला. पण त्यांना यश आलं नाही. वेनेजुएलाचे माजी राष्ट्रपती ह्यूगो शावेज पासून वर्तमान राष्ट्रपती निकोलस मादुरोपर्यंत कोणीही अमेरिकेसमोर मैत्रीचा हात पुढे केला नाही. अमेरिकेच्या हुकूमशाही धोरणांसमोर नाही झुकले. ट्रम्प यांच्यासोबतही असच झालं. म्हणून अमेरिका या देशात आपला हस्तक्षेप वाढवण्याचा प्रयत्न करतोय.
