अमेरिकेचे राष्ट्राध्यक्ष डोनाल्ड ट्र्म्प हे घेतलेले असलेले निर्णय जगासाठी डोकेदुखी ठरत आहे. टॅरिफ वॉरचा मुद्दा शांत झालेला नसताना व्हेनेज्युलाचा मुद्दाही ज्वलंत आहे. कुठलेही कायद्याचे बंधन न पाळता डोनाल्ड ट्रम्प निर्णय घेत आहे त्यामुळे जगात मोठी खळबळ उडत आहे. अशातच भारताने अमेरिकेला मोठा धक्का दिला आहे.
अमेरिकेत भारतीय वस्तुंवर ५० टक्के टॅरिफ आकारण्यात येत आहे. अमेरिकेनं लावलेल्या या टॅरिफमुळे अमेरिका आणि भारत यांच्यामधील संबंध ताणले गेले आहेत. भारताची अर्थव्यवस्था कमजोर करण्याचा अमेरिकेचा डाव मात्र फसला आहे. भारत आणि अमेरिकेत मोठी ट्रेड डिल होणार होती, मात्र सध्या तरी तीचा वेग मंदावल्याचं पहायला मिळत आहे.
भारताचे पंतप्रधान नरेंद्र मोदी यांनी ट्रम्प यांना फोन केला नाही, म्हणून ट्रेड डिल होऊ शकली नाही असा आरोप देखील अमेरिकेकडून करण्यात आला आहे. अमेरिकेसोबत होणारी भारताची ट्रेड डील जरी थंड बस्त्यात गुंडाळली गेली असली तरी देखील आता दुसरीकडे भारत आणि युरोपीयन संघ जगातील सर्वात मोठी व्यापारी डील करण्याच्या खूप जवळ पोहोचले आहेत.
युरोपीय संघात सध्या स्थितीमध्ये एकूण २७ देश आहेत.फोर्ब्सच्या एका रिपोर्टनुसार भारताचे वाणिज्य आणि उद्योग मंत्री पीयूष गोयल यांची ब्रसेल्स येथे युरोपीयन यूनियनशी संबंधित महत्त्वाच्या नेत्यांसोबत एक अत्यंत महत्त्वाची बैठक पार पडली आहे. या बैठकीमध्ये युरोपीयन यूनियन सोबत भारत जी ट्रेड डिल करणार आहे, त्याचं अंतिम स्वरुप कसं असेल यावर चर्चा करण्यात आली आहे. फोर्ब्सच्या रिपोर्टनुसार आता ही डील अंतिम टप्प्यात आहे.
दरम्यान या हालचाली वाढण्याचं आणखी एक महत्त्वाचं कारण म्हणजे अमेरिकेनं सुरू केलेलं टॅरिफ वॉर असल्याचं देखील बोललं जात आहे. अमेरिकेनं अनेक देशांवर टॅरिफ लादला आहे, त्यामुळे आंतरराष्ट्रीय स्थरावर मोठा दबाव पहायला मिळत आहे, त्यामुळे आता युरोपीयन युनियन देखील या ट्रेड डिलसाठी उत्सुक आहे, लवकरच भारत आणि युरोपीयन संघामध्ये जगातील सर्वात मोठी व्यापारी डील झाल्याचं पहायला मिळू शकतं, हा अमेरिकेसाठी मोठा धक्का असणार आहे.
