अमेरिकेचे राष्ट्राध्यक्ष डोनाल्ड ट्रम्प यांनी आता एक मोठा निर्णय घेतला असून भारतासाठी हा खूप मोठा दणका आहे. त्यांनी एका भारतीय कंपनीसह त्या कंपनीचे सिईओ तसेच अनेय काही संस्थांवर बंदी घातली आहे. ट्रम्प यांच्या या निर्णयामुळे एकच खळबळ उडाली आहे.
डोनाल्ड ट्रम्प यांनी काही महिन्यांपूर्वी त्यांनी भारतासही जगातील इतरही काही देशांवर टॅरिफ लावण्याचा निर्णय घेतला होता. त्यानंतर इराणवर हल्ला केल्यामुळे मोठे युद्ध पेटले. इराण-अमेरिका युद्धामुळे संपूर्ण जग महागाईत होरपळले. मेक अमेरिका ग्रेट अगेन या धोरणाअंतर्गत त्यांनी आतापर्यंत अनेक धक्कादायक निर्णय घेतलेले आहेत. दरम्यान, त्यांनी आता नुकतेच एक मोठा निर्णय घेतला आहे. त्यांनी एका भारतीय कंपनीसह त्या कंपनीचे सिईओ तसेच अनेय काही संस्थांवर बंदी घातली आहे. ट्रम्प यांच्या या निर्णयामुळे एकच खळबळ उडाली आहे.
डोनाल्ड ट्रम्प यांनी नेमका काय निर्णय घेतला?
मिळालेल्या माहितीनुसार अमेरिकेने एका भारतीय कंपनीवर तसेच त्या कंपनीच्या सीईओ यांच्यावर बंदी घातली आहे. भारतीय कंपनीच्या सीईओसह अन्य आठ लोकांवर तसेच काही संस्थांवरही अशीच कारवाई करण्यात आली आहे. या संस्थांनी सुडानमध्ये सस्त्रं, स्फोटकं पाठवल्याचा आरोप करण्यात आला आहे. या शस्त्रपुरवठ्यामुळे गृहयुद्धाला चालना मिळाली, असेही मत अमेरिकेने व्यक्त केले आहे.
अमेरिकेच्या ट्रेझरी विभागाच्या परकीय मालमत्ता नियंत्रण कार्यालयाने याबाबतची माहती जारी केली आहे. ज्या संस्थांवर कारवाई करण्यात आली आहे, त्या संस्थांमुळे सुडानी सशस्त्र दल, रॅपिड सपोर्ट फोर्सेस यांना बळ मिळालेले आहे, असा दावा अमेरिकेने केला आहे.
दहशतवादी शक्तींना काम करण्याची संधी मिळाली
अमेरिकेच्या परराष्ट्र विभागाचे प्रवक्ते टॉमी पिगॉट यांनी या कारवाईबाबात अधिक माहिती दिली आहे. या कंपन्यांचे नेटवर्क सुडानी सशस्त्र बल, रॅपिड सपोर्ट फोर्सेस यांना शस्त्र, स्फोटकं, परदेशी लढाई जवान यांचा पुरवठा करत होते. या कंपन्यांच्या पाठिंब्यामुळेच त्यांना बळ मिळालेले आहे. दहशतवादी शक्तींना काम करण्याची संधी मिळाली आहे, असे टॉमी पिगॉट यांनी सांगितले आहे. सुडानच्या सशस्त्र बल विभाग आणि शस्त्रांची देखभाल करणाऱ्या कंपनीला संबंधित भारतीय कंपनीने स्फोटकं आणि त्यासंबंधीची माहिती सामग्री पोहोचवल्याचा दावा अमेरिकेने केला आहे. दरम्यान, आता या प्रकरणात नेमकं काय होणार, हे पाहणं महत्त्वाचं ठरणार आहे.
