नाशिक : आर्थिक वर्ष समाप्ती तसेच नूतन वर्षानिमित्त नागरिकांचा मालमत्ता खरेदी करण्याकडे जास्त कल असल्यामुळे दस्त नोंदणीचे प्रमाण वाढण्याची शक्यता आहे. याशिवाय वर्षाअखेरचा इष्टांक पूर्ण करण्याच्या दृष्टीने 26, 28, 29 व 31 मार्च 2026 या चार सार्वजनिक सुटीच्या दिवशी सर्व दुय्यम निबंधक कार्यालये सुरु राहणार आहेत, असे नाशिकचे सह जिल्हा निबंधक वर्ग 1 तथा मुद्रांक जिल्हाधिकारी संदीप आहेर यांनी प्रसिद्धी पत्रकान्वये कळविले आहे.
शासकीय सुट्टीच्या दिवशी नागरिकांनी त्यांचे दस्त नोंदणीचे काम करून घ्यावे, असे आवाहनही मुद्रांक जिल्हाधिकारी श्री. आहेर यांनी केले आहे.
