अमेरिका-इराण तणावाचा परिणाम अवघ्या जगावर होत असून आता याचा मोठं मोठ्या झळा भारताला सहन कराव्या लागत आहेत. अचानक झालेली इंधन दर वाढ , गॅस सिलेंडर दर वाढ यामुळे सर्वसामान्यांचे कंबरडे मोडले असून आता आणखी एक मोठी बातमी सामोर येत आहे.
या संघर्षाचा आता थेट परिणाम तेल पुरवठ्यावर होण्याची शक्यता असल्याने बाजारात तेजी आली आहे. कच्च्या तेलाची प्रति बॅरल किंमत 93 डॉलरवर पोहोचली आहे. म्हणजेच कच्च्या तेलाच्या किंमतीत 2 टक्क्यांनी वाढ झाल्याचे सांगितले जात आहे. तज्ज्ञांच्या अंदाजानुसार इस्रायलने लेबनॉनवर केलेल्या भयंकर हल्ल्यामुळे या किंमती वधारल्या आहेत. या तणावामुळे जागतिक पातळीवर चिंतेचे वातावरण आहे.
पश्चिम आशियात पुन्हा एकदा तणाव वाढताना दिसत आहे, ज्याचा भारताच्या अर्थव्यवस्थेवर नकारात्मक परिणाम होऊ शकतो. कच्च्या तेलाच्या किंमती वाढल्यामुळे सरकारी तेल कंपन्या आणि भारत सरकार आधीच आर्थिक ओझ्याखाली दबले जात आहेत, भारताचा परकीय चलनाचा साठा कमी होत आहे आणि अशा परिस्थितीत तणाव वाढल्याने व कच्च्या तेलाच्या किंमती पुन्हा उसळल्याने भारतावर आर्थिक दबाव आणखी वाढू शकतो.
