विधानसभेच्या पार्श्वभूमीवर उमेदवारांच्या प्रचारार्थ पंतप्रधान नरेंद्र मोदी यांची शेवटची सभा आज रात्री मुंबईत पार पडली. दरम्यान यावेळी बोलताना पंतप्रधान मोदींनी सर्वांना शपथविधीचं निमंत्रण दिलं.
यावेळी बोलताना पंतप्रधान मोदी म्हणाले, ‘तुम्हाला 20 तारखेला रेकॉर्ड ब्रेक मतदान करण्याची जबाबदारी माझ्या साथीदारांवर देतोय. उत्साह कायम ठेवा. आपल्याला महायुतीच्या उमेदवारांना जिंकून आणायचं आहे. तुम्हाला मुंबईमध्ये महायुतीच्या शपथविधींची तयारी करायची आहे. माझ्या सभा कमी आहे. आता महायुतीचं सरकार बनेल, 10 दिवसांमध्ये सगळं चित्र स्पष्ट होईल. मी आजच तुम्हाला महायुतीच्या शपथविधीचं निमंत्रण देण्यासाठी आलो आहे, असं म्हणत पंतप्रधान मोदींनी सर्वांना शपथविधीचं निमंत्रण दिलं.
दरम्यान , ऐतिहासिक शिवतीर्थावर महायुतीच्या उमेदवारांच्या प्रचारार्थ पंतप्रधान नरेंद्र मोदी यांच्या प्रमुख उपस्थितीत सभा पार पडली. या सभेला मुख्यमंत्री एकनाथ शिंदे, उपमुख्यमंत्री देवेंद्र फडणवीस तसेच महायुतीचे उमेदवार उपस्थित होते. यावेळी या सभेत नरेंद्र मोदी यांनी ठाकरे गट आणि काँग्रेसवर निशाणा साधला.
