"या" ठिकाणी डेपोमधील सीएनजी बसला आग ; आगीचा भयंकर व्हिडिओ समोर
Dipali Ghadwaje
मुंबई : मुंबईत एका सीएनजी बसला आग लागल्याची घटना घडली आहे. मुंबईच्या ओशिवरा डेपोतील बसला आग लागल्याची घटना घडली आहे. या बसला आग लागल्यानंतर क्षणार्धात आगीचा भडका उडाला. या बसला आग लागल्यानंतर परिसरात एकच खळबळ उडाली.
याबाबत मिळालेल्या माहितीनुसार , मुंबईच्या ओशिवरा डेपोत असणाऱ्या बसला आग लागल्याची घटना घडली आहे. दुरुस्ती करत असताना सीएनजी बसने अचानक पेट घेतल्याची घटना घडली आहे. बसने पेट घेतल्यानंतर नागरिकांची एकच धावाधाव झाली. या आगीचा भयंकर व्हिडिओ समोर आला आहे.
ओशिवरामध्ये आग लागलेली ही सीएनजी बस खासगी कंत्राटदार हंसा सिटी यांच्या मालकीची असल्याची माहिती मिळाली आहे. या सीएनजी बस दुरुस्तीचं काम सुरु असताना अचानक आग लागली. या आगीमुळे बसचं मोठ्या प्रमाणात नुकसान झालं आहे. डेपोतील अग्निविरोधक यंत्राच्या साहाय्याने बसला लागलेली आग विझविण्याचा प्रयत्न सुरु करण्यात आला आहे.
