नाशिकरोड (भ्रमर प्रतिनिधी):- वेगात चाललेल्या आयशर गाडी समोर उडी घेतल्याने एका इसमाचा जागीच मृत्यू झाला. मृत पावलेल्या इसमाची अद्याप ओळख पटलेली नाही. उपनगर पोलिसांनी आकस्मित मृत्यूची नोंद केली आहे.
काल रात्री पावणे अकरा वाजेच्या सुमारास सिन्नर कडून नाशिक कडे वेगात जाणाऱ्या आयशर ट्रक क्रमांक एम एच 14 एल एल 1838 जात असताना नेहरूनगर श्री घंटी म्हसोबा मंदिरा नजीक असलेल्या केवल हॉटेल समोर एका 55 वर्षाच्या इसमाने अचानक गाडी समोर उडी घेत घेतली, ट्रक ची जबर ठोस लागल्याने त्याचा जागीच मृत्यू झाला.
घटनेची माहिती समजतात उपनगर पोलीस ठाण्याचे वरिष्ठ पोलीस निरीक्षक जितेंद्र सपकाळे, पोलीस निरीक्षक संजीव फुलपागारे आदिसह पथक घटनास्थळी पोहोचले.या प्रकरणी सरकार वाडा पोलीस ठाण्याचे वाय एस अहिवळे यांच्या खबर वरून अकस्मित मृत्यूची नोंद करण्यात आली आहे.
मृत इसमा विषय कोणाला काही माहिती असल्यास त्यांनी उपनगर पोलीस ठाण्यातील पोलीस हवालदार बोडके यांच्याशी संपर्क साधावा असे आवाहन उपनगर पोलिसांनी केले आहे.
