मनमाड (नैवेद्या बिदरी) :- मनमाड - येवला महामार्गावर अनकवाडेजवळ रेल्वे पुलावर भरधाव ट्रक पुलाचा कथडा तोडून रेल्वे रुळावर पडला.
कोल्ड्रिंक्स घेऊन येवल्यावरून निघालेला ट्रक मनमाडच्या दिशेने येत असताना हा अपघात घडला. सुदैवाने चालक बचावला असून सदर ट्रक रेल्वे रुळावर पडल्याने पुणेकडे जाणारी रेल्वे वाहतूक विस्कळीत झाली आहे तर अपघात ग्रस्त ट्रक रेल्वे रुळावरून बाजूला काढण्याचे काम सुरु आहे. रात्रीच्या अंधार व अडचणीच्या ठिकाणामुळे मदत कार्यात अडचण येत आहे.
मनमाड - येवला महामार्गावर अनकवाडे गावाजवळ रेल्वे पुलावर अपघात घडल्याची घटना घडली आहे. कोल्डड्रिंक्स घेऊन जाणारा ट्रक हा येवल्यावरून निघून मनमाडच्या दिशेने निघाला होता. सर ट्रक हा रेल्वे पुलाजवळून जातांना अपघात होऊन हा ट्रक पुलाच्या खालून जाणारा रेल्वे रुळावर जाऊन पडला.
सदर ट्रक हा रेल्वे रुळावर मधोमध पडल्यामुळे पुणेकडे जाणारी रेल्वे वाहतूक विस्कळीत झाली आहे. अपघात झाल्याची माहिती मिळताच रेल्वेचे पथक घटनास्थळी दाखल झाले मात्र सदर ठिकाणी अंधार असल्यामुळे ट्रक हटविण्याचे काम युद्ध पातळीवर सुरू होते. सदर अपघातात ट्रक चालक हा सुदैवाने बचावला आहे.
रेल्वे वाहतूक विस्कळीत झाली असली तरी वरतून जाणाऱ्या पुलावरून जाणारा मार्गात कुठलाही अडथळा नसल्याने सर मार्गावरील वाहतूक सुरळीत सुरू झाली आहे. रुळावरून ट्रक हटविण्याचे काम उशिरापर्यंत सुरू होते.
