भारतीय रिझर्व्ह बँकेने गेल्या सप्ताहात एलटीव्ही रेशो वाढविण्यासह सोने व चांदी यांच्या तारण कर्जाशी संबंधित ८ नियमांत बदल केला आहे.
नवे नियम सर्व व्यावसायिक बँका, बिगर बँक वित्तीय संस्था (एनबीएफसी), सहकारी बँका आणि गृहवित्त (हाउसिंग फायनान्स) कंपन्या यांना लागू असतील, १ एप्रिल २०२६ पासून त्यांची अंमलबजावणी होईल.
नियमातील बदल पुढीलप्रमाणे
- सोन्याच्या किमतीच्या ८५ टक्के कर्ज मिळेल.
- उत्पन्नाचा पुरावा व क्रेडिट स्कोअर यांची २५ लाख रुपयांपर्यंतच्या कर्जासाठी गरज राहणार नाही.
- मुद्दल व व्याज मुदतीच्या शेवटी भरण्यासाठी १२ महिन्यांची मुदत निश्चित.
- सोने-चांदी तारण ठेवण्याची कमाल मर्यादा सोन्याचे दागिने - १ किलो, सोन्याचे शिक्के - ५० ग्रॅम, चांदीचे दागिने - १० किलो.
- कर्ज बंद झाल्यानंतर ७ कामकाज दिवसांच्या आत सोने-चांदी परत न केल्यास ग्राहकास मिळणार दररोज ५ हजार रुपयांची भरपाई.
- सोने-चांदी चोरी झाले किंवा खराब झाल्यास पूर्ण भरपाई मिळणार.
- कर्ज न फेडल्यास सोन्याचा लिलाव करण्याआधी ग्राहकास नोटीस द्यावी लागेल.
- कर्जाच्या अटी स्थानिक भाषेत असतील.
