गेल्या काही दिवसांपासून सोन्याच्या दरात चढ-उतार पाहायला मिळत आहे. सोन्याचे दर कमी होण्याची ग्राहक वाट पाहत असतानाच ग्राहकांसाठी एक निराशाजनक बातमी आहे. आज सोनं-चांदी खरेदी करताना ग्राहकांच्या खिशाला कात्री लागणार आहे. कारण सोन्याच्या भावात पुन्हा एकदा वाढ झाली आहे.
गुड रिटर्न्सने दिलेल्या माहितीनुसार, आज २४ कॅरेटच्या सोन्याच्या दरात मोठी वाढ झाली आहे. २४ कॅरेटच्या १ तोळा सोन्याच्या दरात १,९१० रुपयांनी वाढ झाली आहे. २४ कॅरेटचे एक तोळा सोनं खरेदीसाठी आज १,३२,६६० रुपये खर्च करावे लागणार आहेत. तर २४ कॅरेटच्या १० तोळा सोन्याच्या दरामध्ये तब्बल १९,१०० रुपयांनी वाढ झाली आहे. हे सोनं खरेदी करण्यासाठी आज १३,२६,६०० रुपये खर्च करावे लागणार आहेत.
आज २२ कॅरेटच्या सोन्याच्या दरात देखील मोठी वाढ झाली आहे. आज २२ कॅरेटच्या १ तोळा सोन्याच्या दरामध्ये १,७५० रुपयांनी वाढ झाली आहे. हे सोनं खरेदी करण्यासाठी आज १,२१,६०० रुपये खर्च करावे लागणार आहे. तर २२ कॅरेटच्या १० तोळा सोन्याच्या दरामध्ये तब्बल १७,५०० रुपयांची वाढ झाली आहे. हे सोनं खरेदी करण्यासाठी आज तुम्हाला १२,१६,००० रुपये खर्च करावे लागणार आहेत.
आज १८ कॅरेटच्या १ तोळा सोन्याच्या दरात १,४३० रुपयांनी वाढ झाली आहे. हे सोनं खरेदीसाठी आज ९९,४९० रुपये खर्च करावे लागतील. तर आज १८ कॅरेटच्या १० तोळा सोन्याच्या दरामध्ये १४,३०० रुपयांनी वाढ झाली आहे. हे सोनं खरेदीसाठी आज ९,९४,९०० रुपये खर्च करावे लागणार आहेत. सोमवारी हेच सोनं ९,९४,९०० रुपयांना विकले गेले होते. सोन्याच्या दरात आज मोठी वाढ झाल्यामुळे आज सोनं खरेदी करण्याची खिशावर ताण येणार आहे.
