गेल्या अनेक दिवसांपासून सोने चांदीच्या दरात मोठे चढ उतार सुरु असून आता एक मोठी बातमी समोर आली आहे. एन नवरात्रीच्या काळात आता महिलांसाठी मोठी पर्वणीच ठरणार आहे. कारण आता नवरात्रीच्या तिसऱ्या दिवशी सोनं-चांदीच्या दरात आज मोठी घसरण झाली. आज सराफा बाजार उघडताच सोनं-चांदी स्वस्त झाली त्यामुळे ग्राहकांमध्ये आनंदाचे वातावरण आहे. २४ कॅरेटच्या १० तोळा सोन्याच्या दरामध्ये ३,९०० रुपयांनी घसरण झाली. तर चांदी देखील स्वस्त झाली आहे. १ किलो चांदी ५००० रुपयांनी स्वस्त झाली आहे. आज तुम्ही सोनं-चांदी खरेदी करायला जाणार असाल तर १८-२२ आणि २४ कॅरेट सोन्याचे दर किती आहेत ते पाहून जा...
गुड रिटर्न्सने दिलेल्या माहितीनुसार, २४, २२ आणि १८ कॅरेटच्या सोन्याच्या दरात आज मोठा बदल झाला. आज २४ कॅरेटच्या १ तोळा सोन्याच्या दरात ३९० रुपयांची घसरण झाली आहे. हे सोनं खरेदी करण्यासाठी ग्राहकांना १,४९,२९० रुपये खर्च करावे लागतील. २४ कॅरेटच्या १० तोळा सोन्याच्या दरामध्ये ३,९०० रुपयांची घसरण झाली आहे. हे सोनं खरेदीसाठी आज ग्राहकांना १४,९२,९०० रुपये खर्च करावे लागतील.
आज २२ कॅरेटच्या १ तोळा सोन्याच्या दरामध्ये देखील मोठी घसरण झाली आहे. २२ कॅरेटच्या १ तोळा सोन्याच्या दरामध्ये ३५० रुपयांची घसरण झाली आहे. हे सोनं खरेदीसाठी ग्राहकांना १,३६,८५० रुपये खर्च करावे लागतील. २२ कॅरेटच्या १० तोळा सोन्याच्या दरामध्ये ३५०० रुपयांची घसरण झाली. हे सोनं खरेदीसाठी आज ग्राहकांना १३,६८,५०० रुपये द्यावे लागतील. सोन्याचे दागिने साधारणता २२ कॅरेटचे बनवले जातात. त्यामुळे आज तुम्हाला २२ कॅरेटच्या सोन्याचे दागिने खरेदी करण्याची सुवर्णसंधी आहे.
२४ आणि २२ कॅरेट सोन्यापाठोपाठ १८ कॅरेटचे सोनं देखील स्वस्त झालं आहे. १८ कॅरेटचे १ तोळा सोनं २९० रुपयांनी स्वस्त झालं. हे सोनं खरेदीसाठी ग्राहकांना १,११,९७० रुपये खर्च करावे लागतील. १८ कॅरेटचे १० तोळा सोनं २९०० रुपयांनी स्वस्त झालं आहे. हे सोनं खरेदीसाठी आज ग्राहकांना ११,१९,७०० रुपये खर्च करावे लागतील. सोन्यासोबत आज चांदी देखील स्वस्त झाली आहे. आज १ ग्रॅम चांदी ५ रुपयांनी स्वस्त झाली. १ ग्रॅम चांदी २३५ रुपयांनी विकली जात आहे. तर आज १ किलो चांदीच्या दरामध्ये ५००० रुपयांची घसरण झाली आहे. ही चांदी खरेदीसाठी ग्राहकांना २,३५,००० रुपये खर्च करावे लागतील.
