नाशिक : नाशिक शहरामधील नाशिक शहर विभाग १ अंतर्गत असलेल्या भद्रकाली विद्युत उपकेंद्रातून निघणाऱ्या ११केव्ही राजे बहाद्दर विद्युत वाहिनीवर तातडीचे देखभाल दुरुस्तीचे विविध काम करण्यात येणार असल्याने, उद्या (दि. १८) सकाळी ९ ते दुपारी ३ वाजेपर्यंत या वाहिनीवरील भागांचा वीजपुरवठा बंद राहणार आहे.
यामध्ये मेन रोड, व्यवहारे लेन, रेडक्रॉस सिग्नल, टिळक रोड, घनकर लेन, वकील वाडी, एम. जी. रोड व परिसर याचा समावेश असेल.
देखभाल व दुरुस्तीचे काम नियोजित वेळेअगोदर पूर्ण झाल्यास वा वेळ लागल्यास त्यानुसार वीज पुरवठा सुरू करण्यात येईल. तरी संबंधित ग्राहकांनी याची नोंद घ्यावी व सहकार्य करावे असे आवाहन महावितरणच्या नाशिक शहर विभाग १ कडून करण्यात आले आहे.
