नाशिकरोड (प्रतिनिधी):- लोकसभा सार्वत्रिक निवडणूक 2024च्या अनुषंगाने नाशिक शहरातील पोलीस निरीक्षकांच्या बदल्या करण्यात आल्या आहेत. त्यांना तत्काळ नेमणूक झाल्या ठिकाणी हजर होण्याचे आदेश राज्याचे अप्पर पोलीस महा संचालक संजीव कुमार सिंघल यांनी दिले आहे.
नाशिक पोलीस आयुक्तालयातील अनिल शिंदे, राजू पाचोरकर, विजय पगारे, नितीन पगार, बाबासाहेब दुकले, गणेश न्ह्ययदे, पंकज भालेराव यांची ठाणे शहर पोलीस आयुक्तलयात तर तुषार आढवू, पवन चौधरी यांची छत्रपती संभाजी नगर शहर पोलीस आयुक्तलयात तर श्रीकांत निबाळकर यांची पूणे शहर, प्रमोद वाघ यांची पिंपरी -चिंचवड येथे बदली करण्यात आली.
अशोक गिरी, सुशील जुमडे, आम्रपाली तायडे, गणेश ताठे, श्री निवास देशमुख, सुनील पवार, समाधान चव्हाण, जगनाथ जानकर, अंकुश चिंतामण, जयराम पायगुंडे, बडेसाब नाईकवाडे यांची नाशिक पोलीस आयुक्तलयात वर्णी लागली आहे.
काही दिवसापूर्वी पोलीस आयुक्त संदीप कर्णिक यांनी शहरातील अनेक पोलीस निरीक्षकांच्या अंतर्गत बदल्या केल्या होत्या. त्यामुळे निवडणूक आयोग पुन्हा बदल्या करणार नाही अशी आशा असतांना नाशिक स्थित अनेक पोलीस निरीक्षकांना शहरात बाहेर काढण्यात आल्याने पोलीस दलात खळबळ उडाली आहे.
