१८ सप्टेंबर २०२४
याबाबत रेणुका प्रशांत भावसार (वय 40, रा. साईसृष्टी अपार्टमेंट, आनंदवल्ली, गंगापूर रोड, नाशिक) यांनी पोलीस ठाण्यात दिलेल्या फिर्यादीत म्हटले आहे, की आरोपी पंकज प्रशांत भावसार (वय 40, रा. यशवंत हाईट्स, पिंप्राळे, जि. जळगाव), क्षमा अब्दुल पिंजारी (रा. कुर्ला, मुंबई), किरण चौधरी (रा. दीक्षितवाडी, जळगाव) व विदेशपाल सिद्धू (रा. घाटकोपर, मुंबई) यांनी संगनमत करून ऑक्टोबर 2023 मध्ये फिर्यादी रेणुका भावसार यांच्याशी संपर्क साधला.
भावसार यांना इथेनॉल प्रोजेक्टसाठी पैशांची गरज होती. ही बाब हेरून आरोपी पंकज भावसार याने स्वत:ची लोन फाईल तयार करण्यासाठी व फिर्यादी भावसार यांना इथेनॉल प्रोजेक्टसाठी दोनशे कोटी रुपयांचे कर्ज भारतीय विश्वकर्मा जनहित सेवा समिती ट्रस्ट, मुंबई यांच्याकडून मंजूर करून देतो, असे सांगितले.
त्यानुसार आरोपींनी भावसार दाम्पत्याचा विश्वास संपादन केला. त्यानंतर कर्ज मंजूर करून देण्याच्या आमिषाने आरोपींनी फिर्यादी भावसार यांच्याकडून वेळोवेळी एकूण 93 लाख 85 हजार रुपये रोख स्वरूपात व बँक खात्यावर स्वीकारले. फिर्यादी भावसार यांची लोन फाईल मंजूर केली नाही, तसेच फिर्यादीने दिलेले पैसे परत न करता त्यांची फसवणूक करून सुमारे 94 लाखांचा अपहार केला. हा प्रकार ऑक्टोबर 2023 ते दि. 16 सप्टेंबर 2024 दरम्यान नाशिक व मुंबई येथे घडला. या प्रकरणी गंगापूर पोलीस ठाण्यात चार जणांविरुद्ध फसवणुकीसह अपहाराचा गुन्हा दाखल करण्यात आला असून, पुढील तपास सहाय्यक पोलीस निरीक्षक पवार करीत आहेत.
Copyright ©2024 Bhramar