पाटणा येथून एक धक्कादायक बातमी समोर आली आहे.बिहारची राजधानी पटनाच्या येथील बिघा गावात एका व्यक्तीने आपल्या मेहुणीची गोळ्या झाडून हत्या केली आणि नंतर स्वतः आत्महत्या केली. पोलिसांनी रविवारी ही माहिती दिली.
दरम्यान पोलिसांनी दिलेल्या माहितीनुसार, दीपक कुमार (३२) आणि त्यांची मेहुणी गुडिया देवी अशी मृतांची नावे आहेत. पोलिसांनी सांगितले की, दीपकने पत्नी लक्ष्मी देवी हिच्यावरही गोळीबार केला, दरम्यान, तिला रुग्णालयात दाखल करण्यात आले आहे. बारह-१ उपविभागीय पोलिस अधिकारी (एसडीपीओ) अपराजित यांनी सांगितले की, पोलिसांना माहिती मिळाली की, पत्नी आणि मेहुणीला गोळ्या झाडल्यानंतर बिहारी बिघा गावात एका व्यक्तीने स्वतःवरही गोळी झाडली.
पोलिस घटनास्थळी पोहोचेपर्यंत, दीपक कुमार आणि त्यांच्या मेहुण्यांचा गोळी लागल्याने मृत्यू झाला होता, परंतु गोळीने जखमी झालेल्या पत्नीला तातडीने जवळच्या रुग्णालयात नेण्यात आले. जिथे त्यांची प्रकृती चिंताजनक असल्याचे सांगण्यात येत आहे. दीपक कुमार आणि गुडिया देवी यांचे मृतदेह पोस्टमॉर्टमसाठी पाठवण्यात आले आहेत.
एसडीपीओ म्हणाले, “प्राथमिक तपासात काही वैवाहिक वाद झाल्याचे समोर आले आहे. दीपक गेल्या दोन महिन्यांपासून सासरच्या घरी राहत होता. कुटुंबीयांनी सांगितले की, काल रात्री दीपकने अचानक पत्नी आणि मेहुणीवर गोळ्या झाडल्या आणि नंतर स्वत:वरही गोळी झाडली. दरम्यान, मेव्हणीचा जागीच मृत्यू झाला. या प्रकरणाचा तपास सुरू आहे.
