मंत्रिमंडळाचे निर्णय जनतेपर्यंत एसएमएसच्या माध्यमातून जनतेपर्यंत पोहोचवण्यासाठी राज्य सरकारकडून एक जीआर काढण्यात आला आहे. त्यामुळे आता फक्त एक SMS अन् घरबसल्या कळणार मंत्रिमंडळाचे निर्णय
मंत्रिमंडळात घेण्यात आलेले निर्णय एका एसएमएसद्वारे आता जनतेपर्यंत पोहचवण्यात येणार असून त्यासाठी २३ कोटी ७८ लाख ८८ हजारांची तरतूद करण्यात आली आहे.
आता मंत्रिमंडळाचे निर्णय जनतेपर्यत SMSच्या माध्यामातून पोहोचवण्यात येणार असल्याच्या कामासाठी टेंडर मागवले जाणार आहेत. माहिती आणि जनसंपर्क संचालनालयाकडून ही टेंडर प्रक्रिया राबवली जाणार आहे. त्यासाठी २३ कोटी ७८ लाख ८८ हजार रुपये इतक्या खर्चाला आज सरकारकडून मान्यता देण्यात आली आहे.
