नाशिक : राज्यातील विधानसभा निवडणुकीसाठी पंतप्रधान नरेंद्र मोदी मैदानात उतरले आहेत. विधानसभा निवडणुकीसाठी पंतप्रधान मोदींनी कंबर कसली आहे. धुळ्यानंतर नाशिकमध्ये आयोजित भाषणात पंतप्रधान मोदींनी काँग्रेस आणि महाविकास आघाडीवर जोरदार टीका केली. नाशिकमध्ये पंतप्रधान मोदींनी मराठीतून भाषणाला सुरुवात केली. यावेळी महाराष्ट्रातील मतदारांनी लक्षात ठेवा महायुती आहे तर गती आहे, महाराष्ट्राची प्रगती आहे असं मोदी म्हणाले.
दरम्यान पंतप्रधान मोदींनी महाविकास आघाडीवर गंभीर आरोप केला. महाविकास आघाडी सरकारच्या काळात मोठा भ्रष्टाचार केल्याचा आरोप पंतप्रधान मोदींनी केला.
