मुंबई : मुंबईच्या चेंबूर वाशिनाका येथे एका इमारतीला आग लागल्याची घटना समोर आली आहे. इमारतीली एका घरात गॅस सिलिंडरचा स्फोट होऊन आग लागल्याची घटना घडली आहे. या आगीत अडकलेल्या ६ जणांना सुखरुप बाहेर काढण्यात यशं आलं आङे. तर एक महिला होरपळली आहे.
याबाबत मिळालेल्या माहितीनुसार, मुंबईच्या चेंबूर वाशीनाका येथील एका म्हाडाच्या इमारतीच्या चौथ्या मजल्यावरील घराला आग लागली. गॅस सिलिंडरचा स्फोट होऊन आग लागल्याची घटना घडली. आग लागल्यानंतर घरात ६ जण अडकले होते. त्या ६ जणांना सुखरुप बाहेर काढण्यात आलं. तर या आगीत एक महिला होरपळून महिला जखमी झाली आहे.
आग लागल्यानंतर काही वेळातच आरसीएफ पोलीस ठाण्याचे वरिष्ठ आणि अग्निशमन दलाचे अधिकारी, कर्मचाचारी घटनास्थळी पोहोचले. त्यांनी अथक प्रयत्न करत आग आटोक्यात आणली. तसेच त्यांच्याकडून आगीत अडकलेल्या सर्वांची सुखरूप सुटका करण्यात आली.
