गेल्या काही दिवसांपासून तापमानात वाढ झाली असून आता हवामान विभागाकडून काही शहरांना येलो अलर्ट देण्यात आलं आहे. दरम्यान, आता मुंबईतील तापमानात वाढ होऊन कमाल तापमान 37 अंशापर्यंत पोहोचले आहे. त्यामुळे तेथील वातावरण उष्ण आणि दमट झाले आहे. त्याचबरोबर 23 फेब्रुवारीला राज्यातील तुरळक ठिकाणी हलक्या पावसाची शक्यता देखील हवामान विभागाकडून वर्तवण्यात आली होती. 24 फेब्रुवारीला राज्यातील वातावरण कोरडे असणार आहे. कुठलीही पावसाची शक्यता नाही. 24 फेब्रुवारीला राज्यातील इतर प्रमुख शहरांत तापमान आणि हवामानाची स्थिती कशी असेल पाहुयात.
मुंबई शहर आणि उपनगरात 24 फेब्रुवारीला मुख्यतः निरभ्र आकाश असून तेथील कमाल तापमान 37 अंश सेल्सिअस तर किमान तापमान 23 अंश सेल्सिअस इतके इतकं असू शकतं. मुंबईला पुढील 24 तासांत उष्णतेचा येलो अलर्ट हवामान विभागाकडून देण्यात आला आहे. उष्ण आणि दमट वातावरण निर्माण झाल्याने नागरिकांना चांगलाच उकाडा सहन करावा लागण्याची शक्यता वर्तवण्यात आली आहे.
पुण्यातील कमाल तापमान 36 अंश सेल्सिअस तर किमान तापमान 14 अंश सेल्सिअस इतकं असण्याची शक्यता आहे. 24 फेब्रुवारीला पुण्यात मुख्यतः निरभ्र आकाश असणार आहे. पुण्यातील किमान तापमान कमी असल्याने त्याठिकाणी सकाळच्या वेळी काहीशी थंडी जाणवण्याची शक्यता आहे. छत्रपती संभाजीनगरमधील कमाल तापमान 36 अंश सेल्सिअस तर किमान तापमान 20 अंश सेल्सिअस इतके असण्याची शक्यता आहे. 24 फेब्रुवारीला त्याठिकाणी अंशतः ढगाळ आकाश असू शकतं. छत्रपती संभाजीनगरमधील तापमानात दिवसेंदिवस वाढ होतांना दिसून येत आहे.
नाशिकमध्ये 24 फेब्रुवारीला मुख्यतः निरभ्र आकाश राहून तेथील कमाल तापमान 35 अंश सेल्सिअस तर किमान तापमान 16 अंश सेल्सिअस इतकं असू शकतं. नाशिकमधील तापमानात देखील आता वाढ होण्यास सुरवात झाली आहे. त्यामुळे तेथील नागरिकांना आता चांगलाच उकाडा सहन करावा लागण्याची शक्यता आहे.
विदर्भातील प्रमुख शहर असलेल्या नागपूरमधील कमाल तापमान 35 अंश सेल्सिअस तर किमान तापमान 15 अंश सेल्सिअस इतकं असू शकतं. नागपूरमध्ये 24 फेब्रुवारीला मुख्यतः निरभ्र आकाश असणार आहे. पुढील काही दिवसांत नागपूरमधील तापमानात चांगलीच वाढ होणार असल्याची माहिती हवामान विभागानं दिली आहे.
