नाशिक - नाशिक जिल्हा परिषदेच्या मुख्य कार्यकारी अधिकारी अशिमा मितल यांची जालनाच्या जिल्हाधिकारी पदी बदली झाली असून त्यांच्या जागेवर अजून पर्यंत कोणाचीही नियुक्ती करण्यात आलेली नाही.
नाशिक जिल्हा परिषदेच्या मुख्य कार्यकारी अधिकारी आशिमा मितल यांची राज्य शासनाने जालन्याच्या जिल्हाधिकारी पांचाळ यांच्या जागेवर बदली केलेली आहे. मितल यांची नाशिकच्या जिल्हा परिषदेच्या मुख्य कार्यकारी अधिकारी पदी नियुक्ती झाल्यानंतर त्यांनी अनेक महत्त्वपूर्ण निर्णय घेतले आणि त्याचे फळ म्हणून नाशिक जिल्हा परिषदेला मुख्यमंत्र्यांच्या शंभर दिवसाच्या कार्यक्रमामध्ये स्थान मिळालं हे त्यांचे मोठे यश आहे.
आपल्या कार्यकाळात त्यांनी अनेक नवनवीन उपक्रम राबवले. जिल्हा परिषदेच्या नवीन प्रशासकीय इमारतीचे कामही त्यांच्याच कारकिर्दीत पूर्ण झाले. सुपर 50, सीएसआर फंडातून बस, दिव्यांगासाठी अनेक उपक्रम राबवले.
यंदा त्यांना राज्यस्तरीय बाल स्नेही पुरस्कार देखील मिळाला होता. याशिवाय प्रशासनामध्ये त्यांनी अनेक महत्त्वपूर्ण बदल केले. त्यांचे काही निर्णय हे राज्यामध्ये आदर्श निर्णय म्हणून राज्य सरकारने स्वीकारले आहेत.
