नाशिक :भारतीय जनता पार्टीने नाशिक पश्चिममधून उमेदवारी न दिल्याने बंडाचा झेंडा फडकवणारे माजी सभागृह नेते दिनकर पाटील यांनी मनसेमध्ये प्रवेश करण्याचा निर्णय घेतला आहे. पाटील यांना लोकसभेच्या वेळी विधानसभेचा शब्द दिल्याचे त्यांनी निर्धार मेळाव्यात सांगितले होते.
नाशिक पश्चिममधून महाराष्ट्र नवनिर्माण सेनेने अजून उमेदवार जाहीर केलेला नाही. त्यामुळे नाशिक पश्चिममधून दिनकर पाटील हे मनसे चे उमेदवार होऊ शकतात. दिनकर पाटील हे आज सायंकाळी आपल्या समर्थकांसमवेत मनसेमध्ये प्रवेश करणार आहेत.
त्यासाठी ते कार्यकर्त्यांसह मुंबईला रवाना झाले आहेत. थोड्याच वेळात राज ठाकरेंच्या उपस्थितीत हा प्रवेश सोहळा संपन्न होणार आहे.
